han kan tamang pyador, o pwedeng paluwason sa kapangyarihan kan pagsimbag segun sa itatao kan ley. Dai dapat na olangon an diretso sa pyansa maski na suspendido an pribilehyo kan writ of habeas corpus. Dai kaipuhan an sobrang pyansa.
Seksyon 14. (1) Daing tawo na kaipuhan kwaon magsimbag sa salang kriminal na bako sa paagi kan ley..
(2) Sa gabos na imbestigasyon na kriminal an akusado presumidong inosente sagkod na maaprobaran kun nagkasala man, asin kaipuhan magkaigwa nin diretso na makapagrason para sa saiya asin para sa abugado, maimpormaran kan klase asin dahelan kan akusasyon na kontra sa saiya, magkaigwa nin masigkat, daing-inaapiluhan, asin hayag na ika bista, makahampang an mga testigo asin pwersahan na paagi tanganing mapaghampang an mga testigo asin mapaluwas an mga ebidensya para sa saiyang karahayan. Siring man, pakatapos mabasa an akusasyon, pwedeng ipadagos an bista maski dai an akusado sa kondisyon na siya talagang naabisuhan asin an dai niya paghampang bako iyo an rason.
Seksyon 15. Dai kaipuhan suspindihon an pribilehyo kan writ of habeas corpus, apwera kun sa mga pangyayari na igwa ni sinalakay, o reblyon, kun kinakaipuhan an seguridad kan banwa.
Seksyon 16. Kaipuhan magkaiwa an gabos na tawo nin diretso sa madaling pagresolber kan saindang kaso sa atubangan kan gabos na grupong hudisyal, quasi-hudisyal asin administratibo.
Seksyon 17. Daing tawo na kaipuhan piriton na tumestigo kontra sa saiyang sadiri.
Seksyon 18. (1) Dai kaipuhan deteniron an siisay man na tawo dahelan sa saiyang mga pulitikal na pagtubod asin kamawotan.
(2). Dai kaipuhan palatawon an anuman na klase nin pirit na serbisyo, apuwera kun padusang itinao kan sentensya nin pagkakasala.
Seksyon 19. (1) Dai kaipuhan hagadon an sobrang multa, o itao an magabat, tampalasan o bakong makatawong padusa. O an padusang pagkagadan, apuwera kun magtao an Kongreso nin padusang kagadanan sa mga dahelan na manungod sa maraot na krimen. Kaipuhan ibaba sa reclusion perpetua an naitaong padusang kagadanan.
(2). Kaipuhan tawan nin dapat na ley na pagpapahidao na
