Huli caidtohong magna camogtacan
na pagcapaniring tauong magna gadan,
laen pa si hayop asin catinamnan,
an balang inabot dai nin nabuhay.
Macatacataca na magna castigo,
pahiling nin lagnit sa gabos na tauo,
con hohorophoropon, sucat na totoo
magsimpod isay man sa magna cristiano
Gnaning matalastas nin si isay pa man
gabos na nangyari sacong isasaysay;
auot pa man logod na pagnagtalean
nin manarosaro tauong binoniagan.
Sacuya nang ponan an pagtaong cuenta
sa qui isay pa man na macacabasa,
an magna senales na ipinaquita
sa poro nin Volcan, macatacataca.
Nanagbo caiyan visperas mayores
qui San Juan Bautista, aldao na Miercoles,
patron sa Tabaco asin sa Camalig,
iba pang banuaan na magna saradit.
Di sucat masabi an magna pag-ogma
can magna banuaan na sinabi co na,
huli sa intencion na magpapa-onra
sa mahal na patron, si San Juan Bautista.
Asin ta nagguibo nin magna billetes
sa cabalaquidan gnaning magna grandes,
huling caogmahan na dai maisip
sa banuang Tabaco sagcod sa Camalig.
Sr. Gobernador cadtong mismong fecha
dagos sa Tabaco nin huli ta fiesta,
sa Albay, Legasping magna Padre Cura,
cairiba sagcod qui Senor Goyena.
Saca ano ini ta panale lamang,
sinabi nang buquid nagpapaquitang senal;
