Mapait sa puso na mabolagan ca
sa pag ilinghiling nin dua cong mata
harayo sa boot na puma-agom pa
magadan man ac s pegcadaraga
An olay nin Hade anong hinahanap
nin tauo sa mundo condi iyan palad
na maguin Reina ca caining ciudad
asin cagurangnan nin mga ovejas
Simbag nin Infanta an bagay na iyan
ama di co mauot mga camahalan
mahal man con dukha con nagagadan
bogñó parareho an sinasagcoran
An olay nin Hade ¿diata gñaya
aco sopogon mo sa mga grandeza?
an tugang mong telo con di ca caiba
dai macacasal maaabala pa.
Bágoha na gñonian a isip boot mo
na sa camahalan di mo sopogon aco
mant ng sa p. luhay an hagad o símo
capiritan nangad manigong sondon mo
Torneo sa aga dages daing liban
an gabos na grandes natitipon dian
Flosei fidang yaba an togon co lamang
con aco masopog sakit mo cacamtan
Monarca naghale binayaan sia
na tagob nin saqit mahal na Infanta
luha nagdalihig sa saiyang mata
huli sa pagromdom sa Principeng ragña
Sa sadiring boot sia nagtatagñis
puso nab bagbag sa macuring hadit
di na guiniromdom daghan cong may sakit
gñonian na an oras na ipag-cacamit
D. Juan cong ogma tagas nin pusó mo
di mo na hinale iyan curucublit mo
saca lumuas ca digdi sa torneo
granada cong capot tagama saimo
