6 Si Jesús gñani nag-sabi sainda, An panahon co day pa minadatong; tará an panahon nindo dating nahahandâ.
7 An quinâban day camó icaca-ogñis, alagad aco naoogñisan, hali ta acó an nag-papatotoo dapit sa saiya na an saiyang magña guibo magña maraot.
8 Mag-durumán camó sa fiesta: acó day pa madumán sa capistahan na ini, huli ta an panahon co day pa naootob.
9 Asin pacasabi sainda caining magña bagay, nag-eroc pa sia sa Galilea.
10 Tará can an saiyang magña tugang nacatucad-na sa capistahan, sia man nag-tucad dumán, bacong sa hayag, cundi hilom saná.
11 Asin si magña Judio gñani pinag-haranap sia sa capistahan, asin na nag-sarabi, ¿Saen duduman sia?
12 Asin canigoan an sabi-sabi nin magña tauo dapit sa saiya an magña ibá nag-sasarabi: Siá marahay na tauo, an magña ibá nag-sasarabi man: Baco, cundi nag-dadaya sa magña tauo.
13 Alagad day ni si-isay na nacacapag-tarám sa hayag dapit sa saiya, dahel sa tacot sa magña Judio.
14 Tará can dudumán na sia sa tahao nin capistahan, sominacat si Jesús sa templo, asin nag-totocdô.
15 Na nag-gñaralás gñani si magña Judio, na nag-sarabi, ¿Tádao ta tataó ini nin magña letra, na day man naghinonod?
16 Sinimbag sinda gñani ni Jesús, asin sinabihan, An itinotocdò co bacò co, cundi caidtong nag-sogo sa sacô.
17 Cun si-isay boót gomibo can saiyang cabotan, mamimidbid sa pag-totocdô co, cun guican sa, Dios, ó acó nag-tataram na mapadapít sa sacô.
18 An nag-tataram na mapadapit sa saiya, hinahanap caiyan an saiyang sadiring camurauayan; tará an nag-hahanap
