an magpapasonod sa saindo sa pacamidbid can bilog na catotoohan; huli ta day magtataram dapit sa saiya, cundi an gabos na madagñog ipagtataram; asin ibabaretá sa saindo an magña bagay na magdadatong.
14 Sia an magpapamurauay sa sacó; huli ta cucuaon nia sa sacó an magña bagay, asin ibabaretâ nia sa saindo.
15 An gabos na nasa Ama, sadiri co; caya nagsabi acó sa saindo na magcucuá sa sacó asin ibabaretâ sa saindo.
16 Cadiquit na saná, asin day na acó nindo mahihiling; asin sa cadiquit liuát, asin mahihiling acó nindo; huli ta padudumán acó sa Amá.
17 Nagsarabi gñani an magña iba nin si saiyang magña discipulo sa sainda man saná, ¿Anó ining sinasabi sa sató: Cadiquit na saná, asin day na acó nindo mahihiling; asin cadiquit naman liuát, asin mahihiling acó nindo; asin, huli ta acó padudumán sa Amá?
18 Nagsarabi gñani, ¿Anó ning sinasabi, ¿Cadiquit na saná? Day quitá nacacasabot can sinasabi.
19 Si Jesús nacaisi na boót sindang magharapot saiya; asin sinabihan sinda, Naghaharapotan camó sa saindo dapit caining sinabi co: Cadiquit na saná, asin day acó na nindo mahihiling asin cadiquit naman liuát asin mahihiling acó nindo?
20 Sa catotoohan, sa catoohan sinasabihan ta camó, na camó magtataragñis asin camó mag-aragragñay, alagad an quinâban mag-oogmá: camo magmomorondo, alagad an saindong camondoan manini caragñahan.
21 An babaye cun nangñagñaquí, iguá nin colog, huli ta nagdatong an saiyang oras: tará pacamondag can aqui, day na nacacaromdom can namatéan, dahel can caogmahan na nangyayari na namondag an saróng tauo sa quinâban.
22 Camó gñani iguá nin camondoan gñunian; tará mahihiling co camó liuát, asin maoogmá an saindong puso, asin day nin si-isay man na macacahalê can saindong caogmahan.
23 Asin sa aldao na idtó day na camó maghahapot sa sacó nin anomam. Sa catotoohan, sa catotoohan sinasabihan ta camó, Na an gabos na hahagadon nindo sa Amâ sa gñaran co, itataó sa saindo.
