13 asin nagborogtac nin magña sacsing putic, na nagsarabi, An tauong ini day nag-oontoc can pagsabi nin magña tataramon na langhad tumang sa santong lugar na ini, asin sa casogoan:
14 tará nadagñog mi sia na nagsabi, na ining si Jesús na tagá Nazaret laláglagon an lugar na ini, asin babagohon an magña caugalêan na itinaó sa sato ni Moisés.
15 Dagñan si gabos na magña dudumán na nacatucao sa concilio, na nacatoroboc si magña matá sa saiya, nahiling ninda an saiyang lalaugon na garong lalaugon nin ángel.
1. Nagsabi gñani an cahorohalangcao na sacerdote, ¿Siring palan ining magña bagay?
2 Asin sia nagsabi, Magña tugang, asin magña caganac magdagñog camú. An Dios nin camurauayan napahiling sa satong amang si Abraham, can sia nasa Mesopotamia, bàgo sia omontoc sa Harán;
3 asin sinabihan sia, Maghalê ca sa dagâ mo, asin sa saimong capagaraquian, asin madiá ca sa daga na ipapahayag co saimo.
4 Dagñan, lominuas sia sa daga nin magña tagá Caldea, asin ominontoc sia sa Charán; asin magpoón dumán, pagcagadan can saiyang amâ, ibinalió sia nin Dios sa dagang ini, na inoontocan nindo gñunian,
5 Asin day sia tinauan dumán nin panonod, minsan maguiraan nin sarong bitis; condi pinanugaan sia nin Dios na ini itataó na panonod sa saiya, asin sa saiyang banhi pacatapus nia can day pa siang áqui.
6 Asin tinarman sia nin Dios nin siring; Na an saiyang banhi manini taga ibang banua sa dagâ nin magña taga ibang banua; asin ta ooriponon sinda, asin papasaquitan sinda sa laog nin apat na gatos na taón.
7 Tará hohocomán co, sabi nin Dios, an nación na magooripon sainda asin pacatapus caini maghaharalê, asin paglilincodan acó sa lugar na ini.
8 Asin itinaó saiya an tipan nin pagturi: asin iyo ini na si Abraham inaqui si Isaac, asin tinuri sia can icaualóng aldao;
