656SANTIAGO 2.
4 Day camo naghohocom sa saindo man sana, asin naguigui camong magña hocom sa magña honáhónang maraot?
5 Magña tugang cong nagcacamorótan, maghinaniog camo: Day pinili nin Dios si magña dukha sa quinában na ini, na magña mayaman sa pagtubod, asin magña manononod can cahadéan na itinugá sa nagña namoot sa saiya?
6 Alagad camo pinagduhagui nindo an dukha. ¿Day camo hinihigpit ó pinapasaquitan can magña mayaman, asin bacong iyo sinda man sana an minabotong sa saindo sa magña hocoman?
7 Day linalanghadan ninda si marhay na gñaran na pinag-arang dian sa saindo?
8 Con sa catotoohan nagotob camo can tunay na pagboot, siring sa sabi sa Escritura ó Casuratan: Cámotan mo an magcasimo tauo nin siring sa saymo man sana, macacaguibo camo ó minaguibo camo nin marhay:
9 Alagad con magpili camo ó maglaen-laen can magña tauo nacacaguinibo camo nin casálan, asin ta sisigñilon camo dapit can ley ó catogonan na siring sa magña paralapas.
10 Huli ta an siysay man na nacaotob can pagboot gabos, asin macapaangot sa sarong cabtang, naguing nagcasala can cagabsan.
11 Huli ta itong nagsabi na: Day ca magdorog sa agom nin iba, nagsabi man: Day ca maggadan ó haré ca cabobonó. Tara gñunian, con day ca nacaguinibo nin pagdorog sa may agom, alagad gominadan ca, nagui canang paralapas can pagboot ó ley.
12 Siring magtaram camo, asin siring gomibo camo, nin siring sa hohocoman camo sa ley nin carogarigñan nin boot.
13 Huli ta an paghocom na mayong pagcaherac maguiguinibo sa caito na day gominibo nin pageaherac: asin an pagcaherac nacacapanagsag tumang sa paghocom.
14 Magña tugang co, ¿ano an papaquinabagñon con an saró magsabi na igua siya nin pagtubod, asin day nin magña guibo? Macacaagao sa saiya an pagtubod?
15 Asin con an tugang na lalaqui ó babae man naghuhuba, asin iguang caipuhan nin ipagbubuhay sa aroaldao,
