Sek. 5. An dwang pagka-udok kan mga syudadano kontra sa interes nasyonal asin kaipuhan tawan nin dapat kan ley.
Seksyon 1. An pagboto kaipuhan gibuhon kan gabos na syudadano kan Pilipinas na bakong diskwalipikado kan ley, na disiotso anyos an edad, asin naka-estar sa Pilipinas sa laog nin sarong taon man lamang, asin sa lugar na duman sinda nagpaplanong bumoto sa laog nin anom na bulan man lamang antes mag-eleksyon. Dai kinakaipuhan iobligar na tataong magbasa asin magsurat, igwa nin sadiri, o iba pang importanteng kaipuhan sa pag-ehersisyo nin pagboto.
Sek. 2. An Kongreso kaipuhan magtao nin sistema para sa katuyuhan na maseguro an pagiging sekreto asin sagrado kan balota pati na an sistema nin pagboto kan mga dai kwalipikadong Pilipino na nasa ibang nasyon.
An Kongreso magibo man nin sarong prosidimyento para sa mga baldado asin mga mangmang na bumoto na dai nin tabang kan ibang tawo. Sagkod na umabot an siring na panahon, sinda tutugutan na bumoto segun sa mga iksisting ley asin siring na mga reglamento na ipopromulgar kan Konstitusyon sa Eleksyon tanganing maprotektahan an pagka-sagrado kan balota.
Seksyon 1. An poder lehistalibo kaipuhan itao sa Kongreso kan Pilipinas na kompwesto nin Senado asin Camara de Representante, apwera sa hiwas na reneserba kan mga tawo kan probisyon sa inisyatibo asin reperendum.
Sek. 2. An Senado kaipuhan kompwesto nin beinte kwatrong Senador na kaipuhan elehiron sa kagabsan kan mga kwalipikadong botante kan Pilipinas, segun sa pwedeng itao kan ley.
Sek. 3. Daing tawo na pwedeng maging Senador apwera kun siya tubong-aking syudadano kan Pilipinas, asin, sa aldaw kan eleksyon, siya may edad na treinta'y-singko anyos, nakakabasa asin nakakasurat, sarong rehistradong botante, asin residente kan Pilipinas sa laog nin panahon na dai kukulangon sa dwang taon antes umabot an eleksyon.
