gumibo nin pagbuyagyag kan saindang interes na pangkwarta o
negosyo. Kaipuhan ipaaram ninda sa nanonongdan na Kamara an
pwedeng magprogresong kontrang interes sa pag-aatubang nin sarong
proponidong lehislasyon na sinda an may gibo.
Sek. 13. Daing Senador o Myembro kan Camara de Representante an pwedeng magkapot nin iba pang katongdan o empleo sa gobyerno, o anumang parte, sanga, o instrumentalidad kaini kairiba an mga korporasyon na sadiri o kontrolado kan gobyerno o mga subsidyari kaito, na dai minahale sa saiyang katongdan. Kaipuhan na dai man siya manombraran sa anuman na opisina na minukna o nadagdagan an sweldo sa laog kan termino nin pagsirbe na pinag-eleiran sa saiya.
Sek. 14. Daing Senador o Myembro kan Camara de Representante an personal na umatubang bilang abugado sa arin man na korte nin hustisya o sa mga korteng pang-eleksyon; o quasi-hudisyal asin iba pang grupong administratibo. Dai man siya kaipuhan maging interesado sa kwarta, direktamente o indirektamente sa anuman na kontrata sa, o anuman na prangkisa o espesyal na pribilehyo na itinao kan Gobyerno, o kan arin man na parte, sanga o instrumentalidad kaini, sa laog kan itinaong panahon kan saiyang panonongdan. Dai siya kaipuhan makiaram sa anuman na bagay na pwede niyang mapagkwartahan sa arin man na opisina kan Gobyerno o bagay na pwede siyang apodon tanganing magdesisyon dahelan kan saiyang katongdan.
Sek. 15. An Kongreso kaipuhan mapoon nin sesyon sarong beses sa sarong taon sa ikapat na Lunes kan Hulyo manungod sa regular na sesyon kaini, apwera kun igwa nin iba pang petsang itao an ley, asin kaipuhan magpadagos kan sesyon para sa siring na bilang nin aldaw na pwede kaining itao sagkod sa treintang aldaw antes magpoon an masunod na regular na sesyon kaini, dai kaibahan an Sabado, mga Domingo asin mga pyesta opisyal. An Presidente pwedeng mag- apod nin espesyal na sesyon anumang oras.
Sek. 16 (1) An Senado maelehir kan Presidente kaini asin Ispiker kan Camara de Representante, sa paagi nin mayoryang boto kan gabos na myembro kaini. An kada Camara mapili kan siring na iba pang opisyales kun kina- kaipuhan.
(2) An mayorya kan kada Camara kaipuhan igwa nin korum tanganing maotob an trabaho, pero an mas sadit na bilang pwedeng
