Sa gabos na siring na kaso, an mga boto kan kada Camara kaipuhan determinaran nin "Iyo" o "Dai", asin an mga ngaran kan mga Myembrong minaboto na oyon o kontra kaipuhan isurat sa Journal. Ipapaisi kan Presidente an saiyang pagbeto kan arinman na proponidong ley sa Camara kun saen gikan ini sa laog nin treintang aldaw matapos
an petsa nin pagkaresibe; kaini asin kun dai, ini magiging ley na garo
niya pinirmahan.
(2) An Presidente kaipuhan magkaigwa nin poder na magbeto kan arinman na partikular na aytem o mga aytem sa sarong ley sa apropryasyon, rentas, o taripa, pero an beto dai makakaapekto sa aytem o mga aytem na dai niya pinoprotektaran.
Sek. 28. (1) An reglamento sa pagbubwis kaipuhan maging parareho asin makahustisya. An Kongreso kaipuhan magplano nin sarong sistemang paoswag sa pagbubwis.
(2) An Kongreso, sa paagi kan ley pwedeng mag-awtorisar sa Presidente na magtao nin limitasyon sa laog nin mga siguradong kasagkodan, asin sa irarom kan mga kasagkodan asin paghigot na pwedeng itao kaini, kan singil sa taripa, mga kota sa import at eksport, mga bayad sa tonnage asin mga pagduong, asin iba pang babayadan o sisingilon, sa laog kan armason kan programa sa kaoswagan nasyonal kan Gobyerno.
(3) An mga institusyon sa pagkaherak, mga simbahan asin mga rektorya o mga kumbento na konektado digdi, mga moske, bakong pangnegosyong kamposanto, asin gabos na kadagaan, mga edpisyo, asin mga mehora na aktwal, direkto asin gamit sana sa mga katuyuhan na relihyoso, pagkaherak o edukasyonal kaipuhan libre sa bwis.
(4) Daing ley na nagtatao nin anuman na pagkalibre sa bwis an ipapasar na daing pag-oyon an mayorya kan gabos na Myembro kan Kongreso.
Sek. 29. (1) Daing kwartang ibabayad sa Tesorerya apwera kun ini oyon sa apropryasyon na ginibo kan key.
(2) Daing kwarta o propyedad an kaipuhan iapropyar, ipanungod, ibayad o gamiton, direktamente o indirektamente, para sa gamit, benepisyo, o suporta sa arinman na sekta, simbahan, denominasyon, institusyon Sektaryan, o sistema nin relihyon, o kan siisay man na padi, pastor, ministro o dignitary kan relihyon o iba pang
