96
“!Ngunyan ikinamomondó ko an dai ko paghabon!”
“!Crispin!” sinagwé sya kan saíyang túgang.
“!Hare kadágit! Sabi kan cura gagadanon ako kun dai makatunga su kuwarta; kun hinabon ko, mapapa- tunga ko... asin kun magadán ako, igwa lámang nin gúbing ika asin si nánay! !Marhay pang hinabon ko!”
Dai kominaalo su matúa asin tinotó su saíyang pisí. Dangan suminimbag na naghahagayhay:
“!An nahahandalan ko kun dagitan ka ni nánay kun makaáram!”
“Inaakalá mo?” an may pagtakang hapot kan saday. “Sabihon mong kinolog akong marhay, ipapahiling ko an sakong mga lábod asin an paraknit kong bolsa; !Dai akong iba kundi sarong bílog na itinao sakó kan Pasco, asin kinoa sakó kan cura kasoodmá. Dai ako na- kakita nin orog karahay na bilog. !Dai mátubod si ná- nay, dai sya maniniwalá!”
“Kun sumabi su cura...”
Hominibí si Crispin, sa malúhay na tingog nagsabi kadungan an mga siniloksigok.
“Kun síring, ika sana an omolí, habó akong magolí; sabihi si nánay na may kamatean ako; habó akong mag-olí.“
“Hare paghibí, Crispin!” an sabi kan matúa. “Dai maniniwalá si nánay; dai ka maghibí; sabi ni gurang Tasio pighahalat kita nin sarong managom na pamang- gi
Itinongkahal ni Crispin su saiyang payo asin hiniling su saíyang tugang.
“!Sarong marayráhay na pamanggi! Dai pa ako nag- kaon: habé ninda akong pakakanon sagkod na dai maka- tunga su duwang (2) onza... Alágad kun maniwalá si nánay? Sabihan mo syang nagpttik su sacristan ma- yor, siring man su cura na naniwala saiya, na sinda gabés nagpupútik: na sabi ninda kita mga mahabon ta marupit an satúyang amá na...”
Alagad ominutwal an sarong payo halé sa iraárom kan hagyanan pasíring sa nangongorog na tingkat, asin, síring kan ki Medusa, su tataramon nawara sa ngosó kan akí huli kan payong ini. Saró itong payong mati- labá, maníwang, haralabá asin maitom su buhók; huli sa mga bughaw na salming sa mata, nahílom su saiyang pagkabutá sa ibong. Iyo ito su sacristán mayor na paráting tumunga, daing ribok, daing paisi.
