101
nin puso, na nagmamalasakit na magpakabuhay huli sa saiyang mga aki, alintanang an agom na lalaki naglala- gawlagaw asin nagbubulang. Bihira sindang magkita alagad sa giraray masakit an mga paghilingan na ini- ho. Sa luhayluhay hinuhubaan su agom na babaye kan saiyang mga alahas sa pagpadagos kan saiyang mga maraot na kaugalean, asin kan mayo na nin ano man la- mang an matinios na si Sisa tanganing makapagpada- gos su agom na lalaki kan saiyang mga gibong dai mag- kakanigo, pinonan itong pagkologon. Babayeng malu- yang boot, iyong lalong ginagamit an puso, bakong an isip, dai syang ibang naaraman kundi mamoot asin mag- tangis. Kun manongod saiya, an saiyang agom iyo an saiyang dios; an mga aki nya iyo an saiyang mga Angel. Su agom na lalaki, na nakakaaram kun sain sagkod sya iginagalang asin natatakutan, minaurog man sa gabos na mga diyosdiyos: sa lambang aldaw minaluwas na ma- bangis, daing haros, asin iyong pinapangyari an nage- érok sa saindang boot.
Kan hadehon sya ni Sisa, kan tumunga na masaling-
gayang bulanos su saiyang pandok, mapaédapit sa sai- yang kaisipan na papagsakristanon si Basilio, dagos sa- na su paghorohapros kan manok, dai nagsabi nin oho, dai man nagtaram nin habo, asin daing ibang ihinapot kun baga dakol na kuwarta an makakamtan. Dai na sya nagpirit, alagad su makahahadit nyang kamugtak- an asin an saiyang pagmawot na makanood su saiyang aki nin pagbasa asin nin pagsurat sa paadalan kan banwaan, iyong nakapirit saiya na padagoson an sai- yang mokna. Dai nin ano man na isinabi su agom na lalaki. Kan bangging ito may mga ikasampolo may kaba- ngang horas sagkod sa ikakagsarong horas, kan nag- babanggraw na su mga bitoon sa langit na pinadiklom kan barongbarong, si Sisa nagtutukaw sa sarong (1) bangkong kahoy naghihilinghiling kan nagraralaad na mga songo sa saiyang dapog, na binibilog nin mga ga- pong bihay na mga pinasaging tunay. Sa saré kan mga talohong na ini, igwa nin sarong anglit na saiyang pi- nagsosobongan asin sa baga may tolong alang na sirang tamban, na pinagpapabakal nin tolong (3) bilog an duwa (2).
