nyang anihon sa kabasan. Ito talagang pamanggi nin
mga cura kun manongod sa mga aking dukha.
Alagad huli sa sarong (1) daing palad na pagkahinaragbo, ominabot su agom asin kinaon su maloto, su tapang opon, su paa kan damolag, limang (5) tamban
asin. su kamatis. Dai nagkaalo si Sisa, minsan ngani sa
saiyang paghona garong sya mansana an kinaon. Kan
basog na su agom, nakagiromdom na ihapot su mga aki;
huli kaini nakahoyom si Sisa asin mamongaya syang
nagsaboot na dai sya mamamanggi kan bangging ito,
tara kulang sa tolo su natada. Ihinapot kan ama su saiyang mga aki, asin ini sa saiya sarong bagay na labis pa sa pagkaon.
Dangan kinoa su lalong asin hominalé.
"Dai mo sinda hihilingon?” tinatakigan na naghapot; “sabi sako! ni gurang Tasio mahahaloyhaloy sinda nin kadikit; si Crispin nakakabasa na asin... dadarahon gayod ni Basilio su saiyang sahod!”
Sa huring ining pangatanosan ominantoro su agom na lalaki, nag-alangan, alagad nandaog su saiyang marhay na Angel.
“Sa bagay na ini tagamahe ako nin pisos!” an sabi
asin hominalé.
Si Sisa nagtangis sa kapaitan kan saiyang boot, alagad nagiromdoman nya su saiyang mga aki, asin pinahid su saiyang mga luha. Nagsobong nin bagong bagas
asin hinanda su iyo na sanang natatadang tolong (3)
tamban: lambang saro (1) magkakaigwa nin tigsaro
may kabanga (1-1/2).
“!Kaniguan an saindang ikakakan!” an saiyang sa
isip; “halawig an lakawan asin ta mga daing talontagon
an mga tulak na gutom.”
“Mapangataman sa ano man na mga binagati, hinimaté nya sagkod su pinakagian na mga linakaw, mga makosog asin malinaw, si Basilio; mga mabagsik asin bakong tirimbang, si Crispin,” an sabi nya sa saiya mansana.
Su kalaw makaduwa okun makatolo na paghuni sa kadlagan, magpoon kan pagkatonong kan oran, asin dai pa nanggad minaarabot su saiyang mga aki.
Irinalaog sa koron su mga tamban tanganing dai maglipot asin rominani sa tata kan kamalig ta matanaw
