sakong pagkadakula. Si Crispin makakapaghinod sa harong ni gurang Tasio, na dai nagkokolog asin marahayon, minsan ngani dai kaiyan naniniwala an cura. Ano pang matakutan nyato sa Padi? Mahimo daw nya na magi kitang dukha labis pa kan satong kadukhaan ngunyan? Maniwala ka po, nanay, an gurang na iyan marahayon; nagkapira ko sya kahiling sa simbahan kun dai nin tawo duman; minalohod asin nangangadyé. Kun kaya, nanay, dai na ako masacristan; kadikit an nakokoa, asin an nakokoa nahoholog sana sa multa! Gabos naghihinanakit kan bagay na ini. Magpapastor ako, asin sa marhay na pagataman sa ipaniwala sakuya, mamumuyahan ako kan kagsadiri; tibaad pa kun togotan kitang makagatas nin sarong vaca tanganing makainom kitang gatas; amomang-amoma ni Crispin an gatas. !Siisay makaisi! sakalé, pasiban (217) kita nin sarong (1) sadit na tarnera kun makitang magtadong ako; aatamanon ta asin satong papatabaon siring kan satong gunakan. Sa kadlagan mamomodo ako nin mga bungangkahoy asin ibabalidya ko sa banwaan, kaiba kan mga gugulayon sa satuyang lagwerta, asin sa bagay na ini magkakaigwa kita nin kuwarta. Maandam ako nin mga litag asin mga alalang sa pagdakop nin gamgam asin amid, maninira ako sa salog, asin kun ako dakula na, mangangayam ako. Makakapamotol man ako nin mga songo na ipabakal okun itaong pabalik (218) sa kagrogaring kan mga vaca, asin sa bagay na ini mapapamongaya nyato sya. Kun makapagarado na ako, makikimahérak ako saiya na pagkatiwalaan ako nin sarong (1) sokol na dagad na pagtanoman ko nin tubo asin paghasokan nin mais asin dai na kaipuhan na magtahi ka pa sagkod sa matangang banggi. Magkakaigwa kita nin mga bagong gubing lambang pintakasi, magkakaon kita nin carne asin mga darakulang sira. Sa siring na kamugtakan, mabubuhay akong hiwas, magkikita kita sa gabos na aldaw asin maghaharampang kita sa pagkakan. Asin mantang sabi ni gurang Tasio na si Crispin mapayo, ipadara ta sya na magadal sa Manila; magtotoklos ako ta ipagpaadal saiya: bakong iyo, nanay? Asin maluwas syang doctor, and po an sabi mo?”
“Anong masasabi ko kundi oho?” an simbag ni Sisa na kinogos su saiyang aki.
Napagmasdan nya na dai ibinibilang kan aki su saiyang ama mapadapit sa mga iniisip nya dapit sa oma-
