aboton, asin sa hilom nagpabolos kan saiyang luha.
Nagpadagos si Basilio nin pagtaram dapit sa saiyang mokna dara an pagtiwala kan mga taon na daing ibang nakikita kundi itong boot na makita. Gabos inoohoan ni Sisa, gabos sa paghona nya marhay. Su pirot nagluhayluhay na magbalik sa napapagal na alobaob kan aki, asin ngunyan su Ole-Lukoie na pinagsasabi sato ni Andersen binuka sa tangod nya su saiyang marayrahay na payong, pano nin mga marayrahay na guhit.
Sa paghiling nya pastor na sya asin su saiyang tugang; namodo sinda nin bayawas, alpay asin iba pang mga bungang-kahoy; nagboborobalyo sa mga sanga, mga maliksi siring sa mga kalibangbang; nagraralaog sa mga lungib asin nakikita nindang nagkikirintab su mga lanob; nangagpaparigos sa mga burabod, asin su basud polbong bulawan, asin su mga gapo siring kan mga gapo sa corona kan Virgen. Pinagaawitan sinda kan mga saradit na sira asin nagngingirisi an mga ito, idinodoko kan mga tinanom su mga sanga na parano nin kuwarta asin mga mabungahon. Dangan nakakita nin sarong campana, na nabibitay sa sarong kahoy, asin pisi na pangbagting kaito: may nagagakdan na vaca sa poro asin sa pagoltanan kan sungay may salag nin gam-gam, asin itoon si Crispin sa laog kan campana asin iba pa. Siring an saiyang pangatorogan.
Alagad dai nangangatorog su ina na dai nagdalagan sa laog nin sarong horas siring saiya.
May mga ikapitong horas nin aga kan makatapus si Fray Salvi kan saiyang huring misa: su tolo natapus sa laog nin sarong (1) horas.
“May namamatean si Padi,” an sabi kan mga devota; “an saiyang hiro bakong siring kan sa dati na hinorokol.”
“Pagingat kamo!” an hiringhingan kan mga sacristan; “!nagoorog an barreno! Maoran nin multa, asin an gabos sala kan duwang (2) hermano!”
Binayaan (219) su kristiya ta masakat sa convento asin ta sa pinaglalabasan, nagtuturukaw sa mga bang-
