pinggan, vaso okun tasa asin iba pa, ipinapatipon ko
saiya an gabos na pidaso, asin sa lambang saro (1),
minsan orog kasadit kaipuhan na pangadyean ako kan
Bendita-sea-tu-Pureza asin kan Señor-mio-Jesucristo, Padre-dulcisimo-por-el-gozo, asin an nakakamtan kong
mga indulgencia ipindnongod nyako sa mga kalag. Sa
harong nakakaaram kaini an kagabsan maliban lamang
kan mga ikos.”
“Alagad an magkakamit kan mga indulgenciang iyan iyo an mga sorogoon, bakong ika, Hermanang Sipa,” an panaligbaton kan Rufa.
“Asin su sakong mga tasa, asin su sakong mga ping gan siisay an mabayad kan mga ito sakuya? Muyahon sindang magbayad sakuya sa siring na paagi muya man ako; dai ko sinda binabalbalan, sinasaragpok ko lamang asin kinokororosing...”
“Aarogon ko iyan!—Siring man an sakong gigibo hon!—Asin ako!” an sabi kan mga babaye.
“Alagad kun an pinggan nagkaduwa okun nagkatolo sanang pidaso, kadikit sana an saimong makakamtan!” an sabi kan mapangotiil na si Rufa.
“tabaa!” an simbag ni gurang Sipa, “pinapangadyé ko man sinda, ipinapakola ko an mga piridaso asin sa bagay na ini daing nasasayang samuya.”
Dai na dram ni Hermanang Rufa kun ano pang saiyang ikakarahay.
“Togote ako nindo na ikahapot ko saindo an sarong (1) kaborongan,” an baga may pagkatakot na sabi kan aki pang si Juana. “Kamo, mga ginang, may pakasa bot na marhay kan mga bagay na ini nin Langit, Purgatorio asin Infierno... ikinukumpisal ko na dai akong pagalamaan.”
“Magsabi ka!”
“Dayaday kong masompongan sa mga novena asin iba pang mga libro an togon na ini. Tolong (8) Ama Nyamo, tolong (3) Tara Kagurangnan Maria asin tolong (3) Pagomawon...... -
“Asin ano?”
“Muya kong maaraman kun paano an pagpangadyé kan mga iyan: kun baga tolong (3) Ama Nyamo na soronod, tolong (3) Tara Kagurangnan Maria na soronod asin tolong (3) Pagomawon na soronod, okun makato long (3) sarong (1) Ama Nyamo, makatolong (3) sarong (1) Tara Kagurangnan Maria asin makatolong (3)
