kun siisay an nápilí tang predicador sa tolo (3) na ipinagmokná sató kasoodmá iyo: kun bakong si Padre Dámaso, si Padre Martin, kun bakó, su saíyang coadju tor. Inda sana kun nagpakapilí na su mga Terceros. Kaipuhan magdisidir." "Su coadjutor..." an baga may pagkatakot na sabi ni Juana sa hababang tingog. "Hm! dai tataong magpredicar an coadjutor!" sabi kan Sipa; "marhay pa si Padre Martin." "Si Padre Martin!" an ólay kan saró na may kai bang pagtuyá-tuyá, "mayo sya nin tingog; marhay pa si Padre Dámaso.' "Iyán, iyan!" an paháyag kan Rufa. "Si Padre Dámaso talagang tataong magpredicar, iyán garong comediante!" "Alágad dai ta sya masasabotan!" an sabi ni Jua na sa hababang tingog. "Huli ta harárom na marhay! asin bastang marhay an pagpredicar..." Digdi ominabot si Sisa may soknong na karáraw, nag tao-nin-marhay-na-aldaw sa mga babaye asin sumina kat sa hagyanan. "Suminakat sya! másakat man kita!" an saindang sabi. Namatean ni Sisa na makosog su kinorabkutab kan saiyang pusó kan nagsasakat sya sa hagyanan; dai nya áram kun anong sasabihon nya sa Padí tangáning ma palópó an siyang kaangotan, dai man nya isi kun anong mga pangatanosan an saiyang sasabihon sa pag sorog sa saíyang akí. Kan ágang ito, pamanagbánag kan aldaw, lominúsad sya sa saíyang tanaman ta ma ngagatós nin mga marayrárahay na mga gugulayon na ibinurugtak sa karáraw sa mga dahón nin batag asin mga búrak. Napadumán sa pangpang nin sálog ta na makó, tara batid nyang muyangmuya kan cura sa ham burá. Iyong isinolot su saiyang pinakamarayráhay na gúbing, asin soknong su karáraw, dai pinúkaw su saí yang akí, napasíring sa banwaan. Hininguha nyang dai sya makaribok nin marhay, luhaylúhay su saíyang pagsakat sa hagyanan, nanghi himáteng bulanos tibáad pa kun makádangog nin mid bid na tingog, bago, sa akí. Alágad dai syang nádangog, dai man syang nasom pongan na siisay man asin napasíring sa cocina.
