uwas saiyang daing kanongdanan. Naniwala ako na dai nanggad mahino na makapagisip kun an palmeta asin an disciplina (233), namamantaag sa atubangan, an pagkatakot asin an pagkangirhat minaribaraw sa orog kamatoninong na isip, laen pa kaini huli ta an imaginacion kan aki buhay na buhay, orog na gayong iimpresionaran. Asin nin huli ta kinakaipuhan na an kaisipan makatala sa hotok kinakaipuhan na maghadé an kamoninongan, sa luwas asin sa laog, sikat na mag kaigwa nin katiwasayan an espiritu moninong na bu lanos asin marigon-na-boot, sa sakong ganan, énot sa gabés kaipuhan na itanom sa mga aki an ang, bulanos na pagtiwala asin paghalaga sa sainda mansana. Laen pa kaini, nasayodan ko na an nakikita sa aroaldaw na mga paghampak minagadan kan kabanalan sa pus6 asin minapaltok kan laad nin karapatan na mapawot nang makabalik. Napagmasdan ko man na kun an saré hinahampak, nakakasompong nin karangahan kun na papaniring man an iba, asin minahoyomhoyom sa pag kamongaya kun nadadangog an hinibi kan iba, asin an pinapaghampak, minsan baga sa énot na aldaw nag susunod lamang, mapawot sa saiyang boot pakatapus mindtood asin nakakasompong nin karangahan sa sa iyang mamondong katongdan. Nangirhat ako kan ominaging panahon boot kong iligtas an panahon na ini huli sa pagbaklé kan dating palakaw. Hininguha ko na an pagadal maging magkakanigo nin pagmahal asin ma kamomonggaya, boot kong gibohon an cartilla, na ba kong sarong librong maitom na tomtom kan luha kan mga kaakian kundi sarong katodd na mabukas saiya nin katakatakang mga hilom, boot kong gibohon an pa adalan na bakong lugar nin mga kasakitan kundi sarong lugar nin kaalingan nin pagisip. Sa luhayluhay hinalé ko an paghampak, dinara ko sa harong su mga disciplina asin sinalihidan ko an mga ito nin palabawan asin paghalaga sa sainda mansana. Kun naaliwalasan an sarong Adal, ibinibilang ko na kakulangan nin boot, bakong kakulapisan nin kakayahan ginigibo kong tumobod sinda na igwa sinda nin orog karahay na kaka yahan labis pa sa ipagkakaigwa nindang talaga, asin an pagtubod na ini na pinaghihinguhan nindang patu nayan, nakapirit saindang magadal asin ta an paniwala minadara sa pagkabayani. Sa kapinonan garong dai
