ninda sakúya na kun papadagoson ko an sakúyang pa
lakaw daing anó man na manonodan an saindang mga
aki asin ta mapipiritan sindang koahon sa paadalan
an mga ito. Sáyang na magpaháyag sainda nin mga
pangatanosan, nin huli ta ako aki pa dai ninda tinataohan
nin dakúlang katanosan! Minsan anó an sakúyang ipag
kakaogdan, magkaigwa lámang ako nin mga uban! sinasambit
ninda sakó an kapangyarihan kan Cura, ni Fulano, ni Zutano,
asin sinda mansana an mga nagsasambit sainda na an ólay kun
bakong huli kan mga hampak kan mga maestro dai kutá sinda
nagpakanood ninanó man. An mabansay na boot na ipinahiling
sakúyá nin nagkapira katawo nakapahamis nin kadikit kan
kapaitan kan pagkamuklat na ini sa katotoohan.
"Nin huli kaini, napiritan akong talikdan an sarong palakaw na pakatapus nin dakúlang kapagalan, nagpopóon nang magtao sakuyá nin bunga. Mayó na akong pagláom, dinara sa paadalan kan sumonod na aldaw su mga panghampak asin pinooan ko su sakong sa ma bangis na katongdan. Nawará su kamoninongan asin nagbalik na maghadé su kamondoan sa mga panglalawogon kan mga aki na nagpóon nang magkamuruyasakuya, sinda lamang an sakong kaanoano, sinda lámang an sakong mga kaúgay-nin-boot. Minsan pinaghinguhang pagtimolan (236), an mga paghahampak asin ipaghampak ito sa orog kalúhay na gayo, ipinagkolog na gayo sa boot kan mga aki nagkasoropgan na marhay asin mga mapait na luhá an saindang pinag pabólos. An bágay na ito naglagbas sa sakong pusó, asin minsan ngani sa irarom may kaangotan ako sa mga mangmang na itong angkos, dai ako makakapanghima los sa mga daing pagalamáan na itong mga victima kan mga karibarawan kan saindang mga kaganak. Tinototong ako kan saindang mga luhá; dai nagkakanigo su sakong pusó sa laog kan sakong daghan, asin kan aldaw na ito, dai pa oras, binayaan ko su paadalan asin nag puli ako sa harong asin duman ogsad (237), akong nag tangis... Sakalé ipagtataka mo an sakong pagkama mondoon, alágad kun ika nasa-kamugtakan ko, masa sabotan mo an siring na bágay... Pinagsabihan ako kan gurang na si Don Anastacio! ‘Su mga magúrang nag haragad nin mga hampak, anó ta bakong sinda an saimong hinarampak. Huli kaini hominélang ako!’” Naghohorophórop si Ibarra na naghihimaté.
