ngingisihan. Halo! si Ginóong Ibarra asin su maestro
sa paadalan.!"
Pinataratara kan magkasi mga bagong-tawo an magibong-ibong na pangkat, asin ta dai tominampo sa saindang mga orólay.
Pagkataodtaod lominaog su gobernadorcillo na may darang kamondoan sa lalawogon: sya su nakita nyató kasoodmá na may sarong (1) arrobang kandilá. Paglaog nya nagkatoronong su mga huringhuding, tominúkaw lambang saró (1), asin mataodtaod, dai nang girirongan.
Tominukaw su Capitán dumán sa sillón na namumugtak sa tangod kan retrato kan Saíyang Kamahalan, bominahon nin makaapat okun makalima, hinaprós su payo asin lawog, ibinugtak su magibong na siko sa ibábaw kan hápag (255). Ominabo ulí, asin ta ini sorosoronod.
“Mga maginóo!" an sabi katapustapusi sa sarong magagadanon na tingog; "nangahás akong tiri-ponon kamo gabós sa orólay na ini... ehem! ehem!... kaipuhan nyátong ipagrokyaw an kaaldawan (256) kan satong pintakasi na si San Diego sa 12 kaining bulan (257) na ini... ehem ehem! fecha 2 kita ngunyan... ehem!"
Asin digdi dinapoan sya nin ábong sorosoronod asin daing laog, na iyo nang dai nya pakagírong.
Dangan bominuhat sa bangkó kan mga gurang an saró katawo, na may apat na pólong (40) taón kagurang, na hambogon an pamandok. Iyo su mayaman na si Capitán Basilio, kaiwal kaitong Don Rafael, saró katawo na nagtataram na magpoón kan pagkagadán ni Santo Tomás de Aquino an kinaban dai lámang nakaorooswag, asin ta magpoón kan paghalé nya sa San Juan de Letrán, pominoón nin pagsibog an Kasangtawohan.
“Togote ako nindo na makapagtaram sa sarong orog kamahalagang dahelán nin pagorólay," an sabi. “Minátaram akong énot, minsán nganí sa mga uya digdi may mga igwa pang labis sakuyá an saindang katanosan, alágad ako an énot na minátaram huli ta sa sakong pagloba sa mga bagay na ini an pagtaram na énot dai nangangahologan na an saró iyo an magngaenot siring man an pagtaram na huri dai nagngangahologan na an saró iyo an pinakahuri. Laen pa kaini, an sakong
