“Dai kami makaakó kan iminokné kan teniente mayor, ta sa samong ganan sarong kapalabihan. An siring kadakol na mga bomba asin mga banggi nin comedia mapapaghorot lamang nin sarong hagbayon, siring kan teniente mayor, na makakapagpuka nin mga pirang banggi asin makakapagdangog nin mga potok na dai mabongog. Hiniling ko an ganan nin mga tawóng mga mahtsay an isip, asin gabós dai oyon sa mókná ni Don Filipo. Bakong iyo, mga ginoo?”
“Oho! oho!” an sarabay na simbag kan mga hagbayon asin kan mga gurang. Nangagtaka su mga bagong-tawo sa pagdangog na magtaram nin siring an sarong gurang.
“Anong gibohon ta sa apat (4) na mga hermanos mayores?” an padagos kan gurang. “Anong boot sabihon kan mga gunang iyan, mga capoén, mga lechon na pinangangapon sa danaw? Kahambugan! masabi an satong mga kadorolon, magtitios kita nin gotom sa laog nin kabangang (1/2) taón. Anong labot nyato ki Sila, siring man sa mga romano? Sakalé, inanyayahan kita minsan makasaro man lamang sa saindang fiesta? Kun manongod sakuya, dai ako nakasakamot nin paanyaya, bago gurang na ako!”
“An mga romano nangagoontok sa Roma na namumugtakan kan Papa!” an sabi saiya ni Capitan Basilio maghalé sa ibaba.
“Ngunyan aram ko na!” an sabi kan gurang na dai lamang naribaraw. “Gigibohon ninda an saindang mga fiesta sa aldaw nin vigilia (261) asin ipapatapok kan Papa an mga kakanon tangdning daing maginibong pagkasalá. Alagad, sa and man na paagi, an saindong mokna dapit sa fiesta dai maaké, dai mahihimo, sarong karongawan!”
Napiritan si Don Filipo na isibog su saiyang mokná, huli ta sinólang sya nin makuri.
Sarong hagbayon na cabeza de barangay moninong na tominindog asin naghagad na togotan syang magtaram, asin ta nakita ini kan orog kapusikit na mga conservador na nagkamorongayahan huli kan pagkadaog sa saindang orog kadakulang kaiwal.
“Hinahagad ko sa saindong mga kaginoohan na ipagpatawad nindo,. kun, ako, na sarong hagbayon, mangahas na magtaram sa atúbang nin sarong kaigagalang na mga tawo huli sa saindang pagkagurang, alam, asin
