gan, asin ta an paksá Mariang Makiling. Kan makita niyamó na naghahaloy su pasurúhay mapadapit sa pintakasi, asin sa kahandalan niyámong kulangon kami nin panahón, hominánap kami sa hilom nin samong mga actor asin ta pinaadalan mi sainda an saindang mga papel. Ilinaláom niyamó na sa laog nin sarong semana na pagsasanay magkakaigwa sinda nin igong panahón na mapakarhay an saindang luwas. Ini, mga ginoo, laen pang bag-o may pakinabang asin magkakanigó may dakúlang kalaenan huli ta tikis na gayo, dai kita magkakaipo nin mga gúbing magagamit an satúyá, su dating sa aroaldaw.'
"Ako an magasto kan teatro!" an sabing may kahugbayatan (262) ni Capitán Basilio. "Kun may maluwas na mga cuadrillero, ipapasublí ko an mga sakúya!" (263) an taramon kan Capitán sa cuadrillero.
"Asin ako... asin ako. . . kun magkaipo kamo nin gurang. . .” an sabi sa ramoramong tataramon nin sarong (1) magúrang, na nakatindog nin mabaskog. "Inaakó nyamó, inaakó nyamó!" an kuráhaw nin dakol na mga tingog.
Nanglulungsí sa kalodokan su teniente mayor; napanó nin luhá su saíyang mga mata. "!Nagtatangis sa ongotóngot!" an akalá kan táwong posíkit asin kominuráhaw:
"!Inaakó, inaakó daing kaibang pasurúhay!"
Asin namomongayahan kan saíyang panghimalos asin kan lubos na pagkapahamak kan saiyang kalaban, nagpoón su tawo nin pagómaw kan mokná kan hagbayon. Îni nagpadagos:
"Sarong ikalimang kabtang (1/5) kan kuwartang matipon magagamit sa pagtaltag nin mga premio, halimbawá, sa orog karahay na akí sa paadalan, sa orog karahay na pastor, manggagamlang, parasirá asin iba pa. Makakatogdas kita nin orombasan nin mga baroto sa sálog asin sa dánaw, paerenotán nin mga kabayo magpatindog kita nin mga palo na hinipó nin mantiká asin maglalang nin iba pang mga káwat na súkat maayonan kan satong mga taga-oma. Oyon ako na huli kan satong daan na kaugalean kinakaipuhan na magkaigwa nin mga fuegos artificiales; mga rueda asin mga castillo, na nagaanyaya nin mga magagayon asin makalilingang mga hilingon, alágad dai ako nanini-
