kamalig nagpakiinom saiya asin nagtarao saiya nin
sira. Ngunyan kan pagralabay saiya, garong sa paghona nya pinaglanghadan sya asin pinagtimaktimakan,
asin su saindang paghiling na mga maugayon o mga
mapaglanghad nangaglagbas sa saiyang panyo asin baga mga panang nangagtama sa saiyang lawog.
Katapustapusi nagpangharayo su mga nagraralakaw asin hominangos si Sisa. Sinoki su panyo sa paghiling kun baga harayo pa sinda sa banwa. May nagkakapira pang palo (275) bago omabot sa bantayan okun garita (276). Sagkod pa man dai nya pighona na harayo an pagoltanan na ito (277).
Sa may gilid kan tinampo may mga mahihibog na kabotongan, na kan mga énot na panahon nagpapahingalo sya sa limpoy kaito. Duman pinagoolay-olayan sya nin mga mahamis na tataramon kan saiyang katipan; pinagtutuwangan sya kaito sa pagdara kan alat nin mga bungang-kahoy asin mga gugulayon; ay! ominagi ito siring sa sarong (1) pangatorogan; su katipan naging agom asin su agom ginibong cabeza de barangay, dangan kaito nagpodn nin pagapod sa saiyang pinto an maraot na kapaladan.
Nin huli ta nagpopoon nang magkosog su saldang, hinapot sya kan mga soldados kun muyang magpahingalo.
“!Salamat!” nangirhat na sominimbag.
Alagad duman sa pagilaog sa banwaan inabot sya nin tunay na pagkangirhat. Tagob nin kahorasaan, ilinadlad sa palibot su saiyang paghiling: pamaraparaan su mga oma, sadit na sagpan, mga kahoy na mga hagiwhiwon; dai lamang nin angpas, nin dakulang gapo na saiyang malagpakan! Nagimasol sya na ominiba sya sa mga soldados sagkod duman; nahidaw nya su hararom na salog na nagbobolos sa may saiyang kamalig, na an mga haralangkaw na mga pangpang kaito lakop nin mga mapapanas na bato, minaalay nin orog kahamis na kagadanan! Alagad an pagromdom sa saiyang mga aki, sa saiyang aking si Crispin na dai pa nya aram kun anong narapatan, nakaliwanag saiya kan bangging ito, asin nakapagsabi sa hababang tingog tagob nin kapahubayaan sa saiyang palad.
“INgapit ... ngapit mageérok kami sa irarom kan kadlagan!”
Namahid kan saiyang luha sa mata, naghinguhang
