- Pagmata na natatangol nin ina na namomoot,
- Pinapatos na bulanos mga mainit na hadok,
- An mga takyag na gayo ikinokogos sa liog,
- Minahoyom na padagos kun sadyang minatorohok.
- Mahamis an kagadanan sa sadiri na banwaan,
- Mga katigay-nin-boot gabos na mga linalang;
- An simuy kagadanan sa sarong mayo man lamang
- Nin bansa, nin ina asin nin pagmahal!
Nagpurawas su tingog, natonong su awit, napula su arpa asin padagos pa giraray su pagdarangog; dai nin siisay man na pominakpak. Namatean kan mga daraga na napano nin luha su saindang mga mata, garong baldi si Ibarra asin su hagbayon na piloto daing girong na nagtatanaw sa harayo.
Panalé sanang nadangog an sarong makabobongog na daging; suminuriyaw su mga babaye asin nagpanurilat kan saindang talinga. Iyo su ex-seminaristang si Albino na naghahayop nin kosog sa sungay nin damulag, na pinagaapod na hamudyong. Nagbalik sa dati su ngisi asin kaogmahan; su mga mata, na pano nin luha, nagpirirokpisok.
“Bubungugon mo kami, hereje?” sinuriyawan sya ni Tia Isabel.
“'Seńora!’’? an simbag na bulanos kan ex-seminarista; “nadangog kong pinagorolayan an sarong duk- hang trompetero, duman sa kapangpangan kan Rhin, na sa pagtogtog kan trompeta nakaéagom nin sarong daraga na mayaman asin dugong malinaw.”
“Totoo, su Trompetero sa Sackingen!” an digang na sabi ni Ibarra, na dai nakatagal na dai omayon sa bagong kaorogmahan.
“Nadangog nindo?” an padagos ni Albino; “muya kong mahiling kun igwa ako nin siring mansanang kapaladan.”
Asin hinayupan uli nin orog kakusog su madaging na sungay, na irinaning gayo sa talinga kan mga daraga, na mga mamondong orog. Ugalé nang bulanos na magkaigwa nin kadikit na mga kurukaribukan; pinaalo sya kan mga ina huli sa lapnit nin mga chinelas asin mga
kudot.
“Aray! aray!”’ an sabi na pigtotorotaptap su mga takyag. “An kaharayoan minasiblag kan filipinas sa kapangpangan kan Rhin! !Oh témpora! Oh mores (304). An iba tinataohan nin encomiendas asin an iba
