“!Pútik! bakong totoo! pútik!” nagkakagsing na naghihibi si Sinang.
“Anong nangyari saimo?” an hapot saiya ni Maria Clara.
“Honá-honaon mo, naghapot ako! Noarin ako magkakaigwa nin isip? initsa ko su dais, asin iyán, an cura na iyán binaliktad su pagbasa sa libro: Kun tubúan balúkag! Sa akalá mo?”
Asin pinaglingadlingadan ni Sinang su ex-seminarista na padagos nin kangingisi.
“Siisay nagtogal saimo na maghapot nin siring?” an hapot saiya kan saiyang singaki na si Victoria.
“!An paggibo sana kaiyan sukat nang ipagkánigo nin siring na mga simbag!”
“!Humapot ka!” nangagsabi ki Ibarra kasabay na itinao saiya su rueda. “pinagkaoroyonan niyamó na an magkamit kan orog karahay na simbag tataohan nin pasib kan iba. Kami gabós nagharapot na.”
“Asin siisay an nagkamit kan orog karahay?”
“Si Maria Clara, si Maria Clara!”’ simbag ni Sinang.
“Pinahapot mi siya sa habó, o sa muya. !Dayúpot asin dánay an saiyang pagmahal? asin nagsimbag su bro..."
Alágad si Maria Clara, biyong namumula tinakpan siya sa ngosó kan saiyang kamot, asin dai siya tinogotan na makapagpadagos.
“!Siring, taohan nindo sakó an rueda!” an sabi ni Crisóstomo na naghohoyomhoyom. ‘“Mahapot ako. Mapakarhay daw ako sa sakong minomokná ngunyan?”
“!Kakanós na hapot iyán!” an hagayhay ni Sinang.
Iinitsa ni Ibarra su mga buletin, asin sunod sa bilang kaito, saindang hinánap su buklit, asin su ray-ray (332)
“An mga pagngatorogan, mga pagngatorogan!” binasa ni Albino.
Binotbot ni Ibarra su telegrama asin binoksan na tinatakigan: “!Ngunyan, nagpútik an saimong libro!” an sabi na tagob nin kaogmahan. “Basaha!”
“Mokna dapit sa paadalan inoyonan, su habla hinatolan favor saimo.”
“Anong kahologan kaiyan?” nagharapot saiya.
“Bakong nagsabi kamo na stikat pasiban, an magkamit nin orog karahay na simbag?” naghapot sa tingog
