minangisi sa piloto na minapaili sa sarong palabuhan(346) sa énot na gilagíla nin barongbarong. Bakong pagkamatálaw an paglokmó kun may minaáging bahà maráot iyo na sumagupá kaiyán tangáning mapukan na dai na makabuhat uií."
"Magkaigwa daw an pagpakasakit na ini kan mga bunga na sakúyang hinahalat?" an hapot ni Ibarra; "maniwala daw sakúyá asin lingawán kan padí an saíyang maráot na boot sakúya? Tabangan daw akong bulanos sa kapakinabangan kan paadalan na nagkikipagágaw sa convento kan mga kayamanan kan banwaan? Dai sinda makakapagsaginsagin nin pagkakatóod, dai sinda makakatao nin sa ibábaw lámang na pagampón, asin sa irárom, sa kadiklomán, labanan sya pasalúiban, lugadan sa buul tangáning mangalangálang tolos bakong labanan sya sa atubangan? Kun mangyari an gabós na sinasabi mo mapapanarigan an kagabsan!"
Nagdánay na daing gírong su gurang, dai nakasimbag. Naghorophórop nin kadikit na horas asin suminimbag:
"Kun síring an mangyari, kun an mokná masáyang makakaranga saimo an pagísip na ginibo mo su mánongod saímo, asin minsán napániring, igwa man giráray nin pinakinabangan: an pagbugtak kan gapong patugmadan, pagsabwag, pakalihis kan barongbarong, sakalé, may tumambón na banhí, na dai marangsaán kan pinakadakúlang kapahamakan, ikaligtas an sa kapahamakan an gikan asin ngápit máging banhí kan mga akí nin gadán na paratánom. An panganinohan na ini manyáring makasadol sa iba na nagkakatarakot sanang magpoón."
Pinaghorophorop ni Ibarra an mga bagay na iniho, nakita nya su saíyang kamugtakan asin natalastas nyang padagos na, sa táhaw kan saíyang pagkamahandalon, taramá su mga isinabi kan gurang.
"!Tubod ako saimo!" an sabi na kanayon sya inabrasa. "Bakong sáyang su sakúyang paghalat nin sarong marhay na hátol. Ngunyan mansana makikiatúbang ako sa cura, ta sa katapustapusi, dai man sakuyá nin ginibong maraot asin garong marhay man, tara bakó man gabós síring kan kaúsig sa sakong amá. Laen pa kaini, kaipuhan na magkaigwa sya nin paghalaga sa makauúgay na itong rongaw asín sa saíyang
