may mga kagpito sagkod sa may duwang-polong taon
nagtatahi nin bado na mga makintab na kuray asin
masilag na yamit. Dukha alagad malinig asin mabini
su saiyang nasosolot siring kan saiyang pangibaba asin
su saiyang tapis lakop nin mga tagabang asin mga
sinursihan. Gabos nyang mga samno, gabos nyang
mga alahas, binibilog nin sarong masipag na sokray na
kara na ginagamit na barat kan saiyang masipag na
pagkapanokray, asin sarong bilangan na mga maitom
na butil na nagkikitay sa saiyang liog sa ibabaw kan
saiyang bado.
Magayon sya huli ta aki pa, dahel ta may mga mababansay na mga mata, sadit na dongo, sadit man na ngoso, huli ta hinorokol an saiyang tindog asin sarong mahamis na pamamantaag an minatao kaito nin kadagkahan, alagad bakong kagayonan na makaapod kan pangataman sa énot na pagkakita: siring kan mga sorosaradit na mga burak na iyan sa patag na mga mayo nin kiray, dai man nin mahamot na amyo, na daing pangataman na binabatayan nyato, na kagayonan kan mga ini minalataw sana kun maingat nyatong sinisiyasat, mga burak na dai midbid, mga burak na kadikiton an hamot.
Mandiit-mandiit minatanaw sa danaw, na maribok na marhay su tubig inoontok su saiyang gibo asin mapangataman na nanghihimate, alagad sa dai nya paka- tuklas nin ano man, minabalik sa saiyang pigtatahi kaiba an kadikit na hagayhay.
Alagad sominalinggaya su saiyang lawog kan makaabot sa saiyang pagdangog an ribok nin linakaw, pinabayaan su saiyang pigtahi, pinakarhay su mga lokim kan saiyang saya asin naghalat na nakahoyom sa may sadit na hagyanan na kawayan.
Nagpangrulupad su mga salampati, su mga pato asin su mga guna nagpangiriyak asin nagkurutat asin tominugña su daing girong na piloto may darang songo asin sarong sapad na batag na daing korokaalong ibinugtak sa daga, alintanang itinatao sa daraga an sarong talosog na nagbabaribari asin nagpipirikpisik pa.
Siniyasat nya su hagbayon nin sarong nariribaraw na paghiling, dangan ibinugtak su sira sa batiya, na pano nin tubig asin kinoa liwat su saiyang pigtahi kanayon tukaw sa kataid kan piloto na padagos na daing girong.
