Su kanigonigong corresponsal kan mahalagang pahayagan nagsurat nin siring.
“Ginoong Director,.
“Nangongorog niyakong kaigay nin boot; dai pa ako sagkod nakakita, siring man dai ako naghahalat na makakita ako sa mga lalawigan nin pintakasi na maogmahon na gayo, mabansayon asin makayoyogto, na siring kan ginigibo sa banwaan na ini kan mga Kagalanggalang asin mga banal na mga pading franciscano.
“Dakulon na gayo su mga nakipintakasi; digdi nagkaigwa ako nin kamungayahan na makapataratara haros sa kagabsan na mga kastila, na mga nagoorontok sa lalawigan na ini, sa tolong mga ’PAding Agustino kan Lalawigan nin Bataan, sa duwang Pading Dominico, saro sainda iyo an kagalanggalang na gayong Padre Fray Hernando de la Sibyla na huli kan saiyang pagpadigdi nataohan nin dangog an banwaan na ini bagay na sukat malingawan kan kanigonigong mga nagoorontok digdi. Nakita ko man an daktlang bilang nin mga haralangkaw na tawo sa Cavite, sa Pampanga, dakol na mga kayamanan sa Manila, asin dakol na mga banda nin musica kabilang sa mga ini iyo an sa Pagsanjan rogaring kan Sr. escribano si Don Miguel Guevara, asin dakol na mga intsik asin mga indio, na huli kan malinabton, na ikinapapalaen kan mga énot na masambit asin kan pagkabanalbanalon kan mga hiring masambit hinahalat nindang bulanos an aldaw na ipagrorokyaw kan maogmang pintakasi sa pagdalaw sa maogmang hilingon, makangingising hirdhird, may kaibang sayaw, mga maogmang drama, na pinatindogan nin sarong dakula asin halakbang na entablado sa tahaw kan plaza.
“Ikasiyam na horas nin banggi kan ikasampolong aldaw kan bulan, vispera kan pintakasi, pakatapus kan
