na dai minaparopó sa sáiyang mga kaisipan.
“Schwarts an boot mo gayod na sabihon, señora,” an simbag ni Fray Sibyla na dai saiya hominiling.
“Inda, sabi ni Fray Damaso Savalls;! inoolit ko lámang ”
“Savalls okun Chebas, anó kaiyán? Sa saro lamang na titik dai maliliwat an sarong tawo!” an may kabaldian na simbag kan franciscano.
“Asin kan siglo catorce bakong kan siete,” an dugang kan dominico sa mapagsagweng tingog na baga sa pag- taong makolog sa kaabhawan kan saró.
“Mabawasan man o madugangan nin sarong siglo, dai man ito magiging dominico! Tawong ini, dai ka madágit!” nakahoyom na sominabi si Padre Sibyla. “Orog karahay na sáiyang nainvento, sa bágay na ini, dai na pagpapagálan kan saiyang mga tugang.
“Asin sabi mo, Padre Sibyla, kan siglo catorce?” an may dakulang atipárong hapot ni Doña Victorina; “énot o huri ki Cristo?”
Sa kamungayahan kan pinaghapot, duwa katawo lominaog sa bídang.
Bakong mga magagayon asin mga marayráhay na panggubingan na mga binibiní na makaapod kan pangataman kan kagabsan, sagkod kan ki Fray Sibyla; bakong an Saíyang Kahalangkawan asin an saíyang mga kagawad tangáning makamangno nin pagkatawo su teniente, lumakad nin nagkapira pasiring sa enotan, asin garong matolan si Fray Dámaso; su hinuwadan lámang kan retratong de frac, na may kabit na sarong bagong tawo na maitom na gayo su panggubingan.
“Marhay na banggi, mga ginoo! marhay na banggi, Padre!” an énot na sinabi ni Capitan Tiago kasabay an paghadok sa kamot kan mga padí na nagpakalingaw na magpakatao nin waras na biyaya. Hinalé kan dominico su saíyang salming sa mata sa paghiling sa bagong datong na hagbayon, asin nanglulungsi si Fray Damaso asin borolakog su mga mata.
“May dangóg akó na ipamidbíd saindo si Don Crisóstomo Ibarra, akí kaitong daí nang sakong kaugay-nin-
