Gedeón, an marigon na si David an nandaog na Roldan kan Cristianismo, an langitnon na Guardia Civil,
na orog kamapusó ki sa gabós na mga Guardia Civil kan
mga omináging panahón asin sa mga aldaw ngápit"—
(kominorondot su alférez),—"ohó, ginóong alférez,
orog kabaroknitan asin makapangyarihan na gayo, na
daing ibang badil kundí sarong cruz na káhoy, linúpig
na padagos an magkagúrang man na tulisán nin mga
kadiklomán asin gabós na mga kampón ni Luzbel asin
nagkaporohó nya kutá gabós kun bakong daing mga
kagadanon an espíritu! An ngangalasan na ini nin
diosnon na paglalang, ining dai maladop na kagilantasan iyo an mamurawayon na Diego de Alcala, na, sa
paggamit nyakó nin sarong panghalimbawa, hulí ta
nakakatábang an mga halimbawa sa pagsábot kan mga
bágay na dai nasasabotan, síring sa sabi kan saró,
sabi ko na an dakúlang ining santo saró lámang na
pinakahabang sandatá, sarong paragarogaro sa samong
mapangyáring gáyong pangkat, na maghalé sa langit
pinamamayohan kan seráfico nyámong Amá na si San
Francisco, na may dangog akong maging kaayon bílang cabo okun sargento huli sa pagkahérak nin Dios."
Daing ibang nagkasarabotan kan mga mangmang na indio, na pinagsasabi kan mga corresponsal, sa babakan (375) kundí an mga tataramon na Guardia Civil, tulisán, San Diego asin San Francisco; napagmasdan ninda na mominalos su pandok kan alferez, asin su mapaglaban na hiró kan predicador asin sinalom na dinagitan ito ta dai pinag-osig su mga tulisán. Si San Diego asin si San Francisco an bahalá kaito, asin marhay na gayo, siring sa napatunayan nin sarong ladawan sa convento sa Manila, nasagpong ni San Francisco kan saiyang hagkos na cordon lámang su pagsalakay kan mga intsik kan mga énot na taón kan descrubimiento. Bakong dikit, kun siring, su kaogmahan kan mga devoto, ipinasalámat sa Dios an tábang na iniho, daing pagduwaduwa na kun magkawarará na an mga tulisán wawasakon man ni San Francisco an mga Guardia Civil. Nin huli kaini, nangataman sindang lubós, nangagsoysoy ki Padre Dámaso na nagpadagos:
"Kanigúan na gáyong kagurangnan: An mga darakúlang bagay sa giráray darakulá minsan sa katáid nin mga saradit, asin an mga saradit minsan sa katáning nin mga darakulá. Iyo ini an sabi kan Sa-
