laysay, alágad nin huli ta an Salaysay minatamá nin
saró sa pakó asin sanggatós sa kudkudan, bilang sarong
bagay na gibo nin mga tawo, asin an mga tawo nagkakarilibang: errare est hóminum (376) siring sa sabi
ni Cicerón, an mga ngosó nasásalá, sabi dumán sa sakong banwaan, mináluwas na may mga hararárom na
mga katunayan na dai sinasabi kan Salaysay. An mga
katunayan na ini, Halangkawon na gáyong Kagurangnan, sabi kan diosnon na Espiritu sa saiyang halangkaw na kadonongan na sagkod pa man dai naladop kan
pagisip nin tawo magpoón kan mga panahón ni Séneca asin ni Aristóteles, an mga banal na itong mga
madónong kaitong suánoy, sagkod sa satong mga parakasálang mga aldaw, asin an mga katunayan na ini
iyo an mga saradit bakong sa giráray mga saraday,
kundi mga darakulá na bágay, bakong sa katampad nin
mga saraday, kundi sa kaábay nin mga órog kadarakulá sa ibabaw nin dagá asin sa angkas asin sa mga
panganoron asin sa túbig asin sa ruwang (377) asin
sa búhay asin sa kagadanan!"
"Awot pa!" suminimbag su maestro kan Venerable Orden Tercera asin nangurus.
Boot ni Padre Dámaso na pangalasón su mga nagdadarangog saiya kan mga pananaramon na ini na saiyang naokdan sa sarong dakúlang predicador sa Manilá, asin huli kaini, su saíyang espíritu santo (378), nagkaipo pang sikadan párang makagiromdom kan saíyang katongdan.
"Háyag sa saindong mga mata!" an sabi kan espíritu sa ibabá.
"!Háyag sa saindong mga mata an marigon asin dai mapapahamak na katibayan kan katunayan na ini sa filosofía! Namamantáag an talá-ínit nin mga kabanalan, asin sabi ko talá-ínit asin bakong talá-sinag, huli ta daing dakúlang kaogdan na an talá-sinag magbanáag kun banggi: sa dagá nin mga buta an butasa-ibong iyo an hadé; kun banggi mangyáring magbanggraw an sarong ilaw, sarong sadit na bitoon: an lálong dakúlang kaogdan iyo na makapagbanggraw minsán nagkakahingodto síring kan talá-ínit: síring an pagbanggraw ni hermánong Diego minsan sa táhaw nin mga darakúlang santo! Háyag na háyag sa saindong mga mata, sa saindong masumbíkal na dai
