pagtubod an dakulang lalang kan Kahorohalangkawe
tanganing maribong an mga darakilang tawo sa
ibabaw nin daga, oho, mga tigang ko, hayag, hayag
sa gabos, hayag!”
May tominindog na sarong lalaki na nanglulungsi asin tinatakigan asin tuminago sa sarong pakumpisalan. Sarong paratinda nin arak, na nagtutungka asin pinaghagadan syang patente (379) kan mga carabinero (380) asin ta mayo. Sinabing gayo na dai lominuwas sa salyang pinagtaguan sagkod na dai natapus su sermon
“Makumbaba asin mahoyo na santo, an saimong cruz na kahoy”—(su sa longon pirak),—"an saimong makumbabang panggubingan minatao nin dangog sa dakilang si Francisco na iyo kami an mga aki asin mga tagapagarog! Ibinabalangibog an saimong lahing banal sa bilog na kinaban, sa gabés na mga sogod, sa mga lungsod, sa mga banwaan, na dai pinapalaen an puti sa itom”—(pindgol kan Alcalde su paghangos)— “na nagtios nin mga paglehé asin mga pasakit, an saimong banal na lahi nin pagtubod asin hamohan na katinubdan”—(‘“Ah!” hominangos su Alcalde) —‘‘na minahinimbang kan kinaban asin indolang sa pagkahdélog sa angpas nin kapahamakan!”
Su mga naghihirinanyog pati si Capitan Tiago nangaghaharakay sa luhaylihay. Si Maria Clara dai nangataman kan sermén; Aram nya na itoon sa harani nya si Ibarra asin ta saiyang isinasaisip alintanang nangangayab sya na naghihiling sa toro kan saré kan mga evangelista (381), na bagang gayo sadit na damulag.
“Kita gabos nagkakaipong magpakatoom kan mga Mahal na Strat, kan agi-agi kan mga santos asin huli kaini dai kaipuhan na sako pa kamong pagsermonan, mga parakasala; sikat nindong maaraman an mga bagay na mga mahalaga asin mga kaipuhan siring baga kan Ama Nyamo, minsan baga an kadaklan saindo nagpakalingaw na kaiyan, ta nangagburuhaybthay kamong siring kan mga protestante okun mga hereje, alagad magkakakorondenar kamo, lalong mardaot sa saindo, mga condenado!”
“Abaa ano ini Pale Lamaso ini!” an tataramon sa hababang tingog ni intsik Carlos na hiniling nin kaangotan su predicador, na nagpapadagos nin panghoro-
