Irinalaog na gabos sa bugtakan na bobog su mga kaipuhan iralaog, siring baga kan mga Aging-pluma (895), mga pahayagan, mga medalla, asin iba pa, ilina og gabos sa katipong na timga asin linapat na gayo su pagkasolda.
“Ginoong Ibarra, muya mong ika an bumugtak kan cajon sa bugtakan na iyan? Linalaom iyan kan cura!” hininghingan kan Alcalde su hagbayon.
“Makuri an sakong kamuyahan,” an simbag ni Ibarra, “alagad maaagawan ko an Ginoong Escribano kan madangog na ining katongdan, na sikat magpatotoo kan pangyaring iniho!”
Isinapuso ito kan escribano. Lominosad sa hagyanan na binikladan nin alfombra pasiring sa irarom kan kotkot asin sa magkakanigong gawé ibinugtak ito sa kalog kan gapo. Kinoa kan cura su hisopo asin winirikan su mga gapo kan bendita.
Ominabot su takna na lambang saro kaipuhan bomogtak nin sarong sandok (396) na minasang-apog sa ibabaw kan sillar, na namumugtak sa kalot tanganing makatamang gayo asin makalapat nanggad ito.
Iginawgaw ni Ibarra sa Alcalde an sarong sandok nin paraparel, su fecha nalolangat sa halakbang na dahon na pirak, alagad su Saiyang Kahalangkawan nagtaram ngona sa kastila.
“Mga taga San Diego!” an sabi sa sarong tingog na marigon: “Igwa kaming dangog na mamayo sa sarong ceremonia na lubos na mahalaga, na saindong masasayodan minsan pa dai mi saindo itaram. May tinogdas na paadalan, an paadalan iyo an tugsaran nin pagnaratad, an paadalan iyo an libro na nasusuratan kan maabtan ngapit kan mga banwaan! Tokdoan nindo samuya an paadalan sa sarong banwaan asin sasabihan mi kamo kun baga anong banwaan iyan.”
“Mga taga San Diego! Omawa nindo an Dios, na nagtao saindo nin mga pading banal, asin an Pamahalaan kan Inang Bansa na dai napapagal sa pagpalakop kan budaya sa matibang na ining kaporoan, na saiyang nasasangkoban sa irarom kan mamuraway niyang manto! Omawa nindo an Dios na nahérak saindo, dinarahan kamo kan mga mahoyong ining mga padi na nagpapaliwanag saindo asin naghuhulit saindo kan dios non na tataramon! Omawa nindo an Pamahalaan na nagmalasakit, nagmamalasakit asin magmamalasakit
