na gayo huli saindo asin sa saindong mga aki!”
“Asin ngunyan na benebendicionan an énot na gapo kaining mahalagang edificio, kami, an Alcalde Mayor kan lalawigan na ini, sa ngaran kan Saiyang Kamahalan, an Hadé, na ingatan logod nin Dios, Hadé sa España, sa ngaran kan maliwanag na Pamahalaan na kastila asin sa limpoy kan saiyang malinigon. asin sa giraray matagumpay na wagayway, ipinanonongod nyamo an bagay na ini asin samuyang pinoponan an pagpatindog kan paadalan na iniho!” ;
“!Mga taga San Diego; mabuhay an Hadé! !Mabuhay an España! mabuhay an mga religioso! !Mabuhay an Religion Catolica!”’
“!Mabuhay! mabuhay!” sominimbag an mga tingog, “!Mabthay an Señor Alcalde!”
Dangan mabaskog ining luminusad sa tanog kan musica na nagpoon nang magtogtog; nagbugtak nin nagkapirang sandok nin minasang apog asin baybay sa ibabaw kan gapo asin sa siring mansanang kabaskogan kan pagpoon, sominakat man giraray.
Nag-oropak su mga empleado.
Iginawagaw ni Ibarra an saro pang sandok na pirak na, pakapotitukan saiya nin kadikit na horas su mga mata, luhayluhay na lominisad. Sa kabangaan kan hagyanan tominingkalag sa paghiling kan gapo na nabibitay nin mga matooson na mga laosig, alagad sa sarong detik lamang asin nagpadagos kan paglusad. Siring man kan sa Alcalde ‘su saiyang ginibo, alagad sa mga hidaleng ini lalong dakol na oropak su nagkadarangog: sa mga empleado ominarayon su mga fraile asin si Capitan Tiago. .
Garong may hinahanap si Padre Salvi nin matataohan nya kan sandok; baga nagdodowaduwang hominiling ki Maria Clara, alagad nagbago nin kaisipan asin itinao sa escribano. Ini, sa pangaladka, dominolok ki Maria Clara na sominayoma na naghohoyomhoyom. Su mga fraile, su mga empleado asin su alférez nagrolusad gabos surosorunod. Dai nalingawan si Capitan Tiago.
Nagkukulang si Ibarra, asin ipaghoboot na. kuta na itonton kan lalaking madarag su gapo kan maromdoman kan cura su hagbayon, sinabihan ini sa masobang tingog asin dating torood:
“Dai mo ibubugtak an saimong sinaldok, Ginoong Ibarra?”
