teo, sarong táwong dai nagpupútik, na si Papa Sixto
pastor kaito nin mga damúlag sa Batangas? !Tara, hilinga nindo si Andoy ko, hilinga nindo kun baga dai
kan lawog ni San Vicente!"
Asin nagtuturúbig su ngimot kan marhay na iná sa paghiling sa saíyang akí na pinagtutuwangan kan magibong na kamot su tenedor.
"!Tabangan nin Dios!" an dúgang kan gurang_na nagmamamá kan upá; "kun máging Papa si Andoy, máduman kita sa Roma, hehe! makakalakaw pa ako nin marhay. Asin kun magadán ako... hehe!"
"Hare kahandal, giloy! dai makakalingaw si Andoy na tinokdoán mo sya nin paggibo nin mga alat na botong asin nin patpat."
"Tamá ka, Petra: ako man naniniwalá na an saímong akí maluwas na sarong dakúlang bagay... minsán na lámang patriarca. !Dai pa ako nakakita nin sa halipot na panahón nakánood kan oficio! Magigiromdoman nya ako kun Papa na sya okun obispo na, magaalingáling sa paggibo nin alat sa saíyang cocinera. Ipagmimisa nya an sakong kalag, hehé!"
Asin sa pagláom na iniho, binugtakán giráray kan marhay na gurang nin dakol na buyó su saiyang korokatípong.
"Kun dangogón nin Dios an sakong mga pagngayóngayó asin magkatotoo an sakong pagláom, sasabihan ko si Andoy: 'Akí, halee kami kan samong mga sala, asin padarahán kami sa Langit.' Dai na kita nagkakaípong mangadyé, magayuno, ni magbakal nin mga bula. An may áking Santo Papa makakapaggibo nin mga kasalan!"
"Padumana sya sa harong noodmá, Petra," an sábing gayo kan gurang; "totokdoán ko sya nin pagtoklós sa nito!"
"!Hmjn! abaa! Anong paghoná mo, giloy? Nagloloba ka na pighihiró pa kan mga Papa an saindang mga kamot? An cura, bago cura lámang, nagtotoklós sana sa misa... kun nagooroatúbang! An arzobispo dai na nagooroatúbang, nagmimisa tukaw; kun síring, an Papa... an Papa mamisa sa higdaan, may abanico! Anong saímong inaakalá?"
"Bakong kalabisan, Petra, na makanood sya kun paano an paghandá kan nitó. Marahay na makapagpabákal nin mga salakot asin mga petaka tangáning dai
