ipo kita nin sarong may kinabatiran”...
“Anong may kinabatiran, si may kinabaktinan!”’ an may mapag-ologolog na sabi ni Padre Damaso. “An nagkakaipo nin may kinabatiran sarong may kinabaktinan! Kaipuhan na lalong mangmang pa ika ki sa mga indio, na nagpapatindog nin apat na lanob, asin binobugtakan nin tapanco sa ibabaw, na iyo nanggad an sarong paadalan!”
Hiniling kan kagabsan si Ibarra, alagad, ini minsan baga nanglungsi nagpadagos na. baga nakikipag-olayolay ki Maria Clara.
“Alagad pagisipisipon kan Saimong Pagkaigagalang...”
“Hilingon mo, tabi” an padagos kan franciscano na dai pinataram su Alcalde, “hilingon mo sarong oldog niyamo, su pinakamangmang, nagpatindog nin sarong marahay, marayrahay asin baratong hospital. Nagpatoklos na gayo asin dai nagtatangdan nin labi sa walong bilog, an sarong aldaw sa mga haralé pa ngani sa ibang mga banwaan. Ini tataong magibaiba sainda bakong siring sa kadakol na mga suplado asin mga moromestiso, na iyong minapahamak sa sainda huli sa pagtangdan nin tolo o apat na sikapat.”
“Sabi kan Saimong Pagkaigagalang walong bilog sana an saimong ipinagbabayad kaito? Dai mangyayari!” Boot na maliwat su lakaw kan olayédlay.
“Opo asin dapat arogon iyan kan mga nagpapahalangkaw na sinda mga marhay na kastila. Nakikita na magpoon kan buksan su Canal de Suez, nakadatong digdi an corrupcion. Kaito, kan kaipuhan kitang lomibod sa Cabo, dai nin nagpangdatong na dakol na mga napahamak, dai man nin mga nagduruman tanganing magkapaharamak.”
“Alagad, Padre Damaso... !”
“Batid mo na kun ano an indio, tolos mansanang makanood nin and man ibinibilang nang doctor. An gabos na mga siponon na iyan na mga mina-pa-Europa...”
“Alagad, magdangog an Saimong. Pagkaigagalang...” an Agaw na tataramon kan Alcalde na naririworokan huli ta mapangagyat an mga tataramon na ito. “An gabos matatapus siring sa magkakanig6 sainda,” an padagos niyang tataramon; “nakikita sa tahaw an
