sayan, na an saimong ngoso pano nin kabanalan asin
katinubdan, asin an puso nin mga kadaing-datahan, dai
mo namidbiran kun ano an sarong ama. ... naisipan mo
kuta su saimong ama! Nakikita mo? Sa kadaklan na
iyan na saimong pinagbasangbasang dai minsan sarong
arog saimo! Hinokman ka!”
Su mga tawong nakakalibot saiya, sa paglobang makakagadan, nagpanghiriro.
“Harayo!” kuminurahaw uli sa mapanghareng tingog; “ano? natatakot kamo na digtaan ko an sakong kamot nin maating dugo? Bakong sinabihan ko kamo na moninong na nagkukutad an sakong puso? Harayo samuya! Paghinanyog kamo, mga kapadian, mga hokom, na naghohona kamo na kamo mga iba man na tawo na nagpapanongod kamo sa saindo nin ibang mga katanosan! Su sakong ama sarong tawong marhay an dangog, ihapot nindo sa banwaan na ini na minagalang sa saiyang giromdom. Su sakong ama sarong marhay na namamanwaan; nagpakasakit huli sakuya asin huli sa karahayan kan saiyang bansa. Bukas su saiyang harong, su saiyang latok natatalaga sa himanwa o sa isinobol na minadolok saiya sa saindang kadaihon! Saro syang marhay na cristiano: na naggibo nin marahay asin sagkod pa man dai nagpasakit sa daing kaya, dai man nagpatios sa makautigay.. Ini binuksan kan mga pinto kan saiyang harong, pinattkaw sa safyang latok asin inapod na saiyang katigay-nin-boot. Anong ibinalos? Pinagpakaraot sya, inosig, inasosang laban saiya su pagkadaing-pakasabot, na ginamit su kabanalan kan saiyang katongdan, pinaglanghadan su linobngan saiya, hinalean nin dangog su saiyang giromdom asin indsig sa kapahingaloan mansana kan kagadanan. Asin, dai pa namongayahan kaini. !Inoosig ngunyan su aki! Binolagan ko sya, sakiyang linikayan su saiyang dagyang... Nadangog nindo sya ngunyan na aga na pinagbasangbasang su pulpito, itinokdo ako sa pagkalahoslahos na pagtubod kan banwaan, asin dai ako nagkaalo. Ngunyan napadigdi ta pagpapasala-salaan ako; tinios ko sa dai paggirong dara an saindong pagtaka, alagad pinaglanghadan uli su pinakasinanglitan na giromdom sa gabos na mga aki... Kamong mga uya digdi, mga padi, mga hokom, nakita nindong ‘nagpuka ang saindong gurang na ama na nagpagal huli saindo, bominulag sa saindo huli sa saindong karahayan, nagadan sa kamon-
