dinólok sya gorogom su kamot.
“Huli kaiyan nagpagal ako sa halawig na mga taón, nagtimol ako, tanganing huli kan saimong kamangmangan sayangon mo an bungá kan sakong mga kapagalan?” dinagitan sya. Ngunyan madirigdi sinda ta dadarahon ka sa pangbuhagnan, sasamsaman kita kan satong mga sadiri, áram kan agom ni.. .!Oho, kun lalaki pa sana ako, kun lalaki pa sana ako!”
Asin kan makitang idinokó kan saiyang agom su payo nagpoón naman nin pagsiloksigok, alagad sa giraray paolitolit na minasabi:
"!Ay, kun lalaki lamang ako, kun ako lamang lalaki!
“Asin kun ika lalaki,” kahurihurihi hominapot na naiingol na su agom na lalaki, “anó an saimong gigibohon?”
“Ano? tara... tara... tara ngunyan mansana maatúbang ako sa Capitan General, ta mapresentar akong makilaban sa mga nakikighimagsikan, ngunyan tolos!
“Alagad dai mo nabasa su sabi kan Diario? Su hamak na kapasaluiban asin basang na sagpong sa karigonan, kosog asin dasig, asin sa madaléng an mga rebelde mga kaiwal kan Bansá asin an saindang mga kasarapakat magmaté kan bilog na gabat asin kahigpitan kan mga katogonan ... nakita mo? dai nang himagsikan.”
“Dai bale, sukat kang magpresentar siring kan saindang ginibo kan 72, asin nagpakaligtas.”
“Oho! siring man an ginibo ni Padre Bur...”
Alagad dai nakatapus pagtaram, dominalagan su babaye asin tinakpan sya sa ngoso.
“!Hala! hilwasa an ngáran na ini tanganing noodma mansana bitayon ka sa Bagumbayan! Dai mo aram na minsán sa paghilwas kaiyan igo nang mahatolan na daing sombong? !hale! sabiha!”
Si Capitan Tinong, minsan pa muyang sumonod saiya dai makahimo, su saiyang ngoso natatakpan kan magibong na kamot kan saiyang agom, na nadodoon su saiyang sadit na payo sa horandigan kan sillón, asin nagadan gayod kuta an makauúgay na itong tawo sa pagkapóot kun dai nakilábot an sarong bagong personaje.
Iyo ini su saindang pinsán na si Don Primitivo, na toom an Amat, saró katawo na apat na pólong taón ka-
