yon panghonathónat; "kaipuhan ako kan Pamahalaan tanganing pohoon ko an mga filibustero sa mga lalawigan huli sa sarong columna volante."
Madaleng madalé na hiniling sya ni Fray Sibyla magpoón sa bitis sagkod sa payo asin tinatalikondan syang padagos.
"Aram nang gayo kun anong mangyayari sa cabecilla, sa poropilibustero?" an hapot nin sarong empleado.
"Si Crisóstomo Ibarra sa pigsasabi mo?" an hapot nin saró pa. "an alongating gayo asin orog kamatanos iyo na bitayon sya orog kan su mga kan 72."
"!Itatapok!" an matagas na sabi kan gurang na teniente..
"!Itapok! Itapok sana! Alágad tápok na sagkod lámang!" an sarabay na sabi nin nagkapira. TP "Kun an hagbayon na iyán," an padagos ni Teniente Guevara sa halangkaw na tingog asin mahigpit, "nagingat na gayo, kun dai nagtiwalang marhay sa nagkapira katawo, na saiyang mga kasururatsúrat; kun an sarong mga fiscal mga daing gayo tarataong magsábot na bulanos kan nasusúrat, nakaligtas kutá an hagbayon na iyán."
An kapahayagan na ini kan gurang na teniente asin an daging kan saiyang tingog: ginikanan nin dakúlang pagtaka kan mga nagdadarangog, na mga dai taratão kun anong saindang sasabihon. Sa ibang gampi hominiling si Padre Salvi, sakalé tanganing dai nya makita an malipungaw na paghiling sa ihinihiling saiya kan magúrang. Pinabayaan ni Maria Clara na magkahorólog su mga búrak asin dai naghiróhiró. Si Padre Sibyla, na tataong dai magkaalo, garong iyo lámang an tataong maghapot.
"Nakaorawi ka nin mga súrat, Ginóong Guevara?"
"Sinasambit ko su isinabi kan tagapagsorog, na mahimon asin mapagmaliot an saiyang pagkamot kan habla. Maliban sa nagkapirang mga makalilibong na mga rayray, na isinúrat kan hagbayon na ini sa sarong babaye bako sya tumúlak pasiring sa Europa, mga rayray na nabilangan kan fiscal kan mokná asin paharé laban sa Pamahalaan, asin ta minidbid nyang saiya, dai nin makoang dalan nå ikahabla sya.
"Asin su ipinahayag kan tulisán bago magadan?" "Sinayang ito kan tagapagsorog, tara, alinsunod mansana sa tulisán, dai lámang sinda nin pagkasinarabotan
