saka su hagbayon, kundi sa saro lamang katawo na
Lucas an pagngaran, na saiyang kaiwal siring sa napatunayan, asin ta naghugot huli sa saiyang paghihimasol. Napatunayan na su mga papeles na mga natuklasan sa lawas kan bangkay mga palso, tara su titik,
nakakaagid kan ki Ginoong Ibarra igwa nang pitong taon an nakalipas, alagad bakong siring kan sa ngunyan,
ini nakakagoyod sa pagsahot na an inarogan iyo ining
mapanombong na strat. Asin saré pa, nagsabi su tagapagsorog na kun hominabo kutaé si Ginoong Ibarra na
magmidbid kan strat, dakol kuta an nagibo saiya; alagad kan makita ito lominongsi; lominuya su boot asin
pinatunayan ano man na saiyang isintirat duman.”
“Nagsabi ka, tabi,” an hapot nin saro pang franciscano, “surat ito sa sarong babaye napano na nakaabot sa kamot kan fiscal?”
Dai nagsimbag su teniente, hiniling nin madalé si Padre Salvi, asin hominalé; na kinokurab na pinagpoporopiripit su mapanas na punta kan saiyang abohon, alintanang su iba nagkokoromentaryo.
“!Duman nakikita na kamot nin Dios!” an sabi nin saro; “pati an mga babaye igwang kaongisan saiya.”
“Ipinasolo su saiyang harong sa pagakalang makakaligtas sya, alagad dai nya pinaglaoman su pananawhon, kun sa pagkasayod, su sambay, su saiyang babaye,” an digang nin saro na nagngingisi. “!Nasa Dios iyan! Santiago pintoi an España!”
Alintanang su gurang na militar ominodong sa saro kan saiyang mga paglakawlakaw asin dominolok ki Maria Clara, na naghihimati kan olayolay, daing hirohiro sa saiyang tukawan, sa saiyang pamitisan su mga burak.
“Saro kang daraga na maalam, na marhay,” an sabi saiya sa hababang tingog kan gurang na teniente; “marhay su ginibo mo kan saimong itao su surat... sa bagay na ini magkakaigwang gayo kamo nin matoninong na omaaboton.”’
Nakita nya sya na hominarayo na nagboboladbolad su mata, na kinakagat su ngabil. Sa marhay na kapaladan ominagi si Tia Isabel. Si Maria Clara nagkaigwa nin kosog na igo sanang ikapogol nya sa saiyang gubing.
“Nana!” an sabi sa maluhay na tingog.
“Anong saimo?” hominapot ining natikbahan kan makita su lawog kan daraga.
