ngan kan saimong apo; humalé ka’sa kaporoan..."
“Sa pagduman sa ibang daga?” saligbaton ni Ibarra.
“Tanganing mabthay kang matiwasay sa mga aldaw na natatandang ikabubuhay mo. Igwa ka nin mga katood sa Espafia, mayaman ka, makakapaindulto ka. Sa anó man na pangyayari, an Ibang Daga sa satuya sarong bansa an orog pa karahay ki kan rogaring."
Dai nagsimbag si Crisóstomo; daing girong syang naghorophorop.
Nakaabot sinda kan mga hidaleng ito sa Pasig asin su sakayan nagpoón nin pagsongsong sa solog. . Sa ibabaw kan Puente de Espafa may sarong nanganga- bayo na humari an pagpadalagan asin nadadangog an sarong halawig asin malagong na siniwik.
“Elias,” an simbag ni Ibarra; “an saimong maraot na palad gominikan sa sakuyang angkos makaduwa mo ligtasan an sakiyang buhay, asin bakó sanang marhay na boot an itang ko saimo kundi kaipuhan man na ibalik ko saimo su saimong mga dai tibaad. Hinahatolan mo ako na mabuhay sa Ibang Daga, kun siring omiba ka sakuya asin mabuhay kitang siring sa magtigang. Digdi saró ka man na daing palad.”
Mamondong hiniró ni Elias su saiyang payo asin sominimbag:
“!Dai mahihimo! Totoo na dai ako mangyayáring mamoot asin kamotan sa sakiyang bansa, alagad maka- kapagtios asin mangyaring magadan ako saiya asin huli saiya: sa giraray sarong bagay. !An kapaha- makan'nin sarong bansá magi logod na sakong rogaring na kapahamakan, asin mantang dai kita binobogkos nin saró sanang kaisipan, asin mantang dai minakutad an satong mga puso sa saró sanang pagngaran, sa sakong mga kahimanwa ikasaró na lamang ako huli sa pangkagabsan na karaotan nin palad, pagtangisan ko man lamang sa kaibahan ninda an satong mga kasakitan, na an mga puso nyató gabós magkahirigitan nin saró mansanang karaotan nin palad!’’
“Kun siring anó ta sindsadol mo akong maghalé?”
“Huli ta sa ibang gampi mangyaring magi kang ma- mongaya asin ako bakó, huli ta dai ka linalang tanganging magtios, asin huli ta ikakaongis mo-an saimong bansa, kun sarong aldaw mapahamak ka huli saiya; asin ta an pagkaongis sa sadiring bansa iyo an orog kadakulang kapahamakan.”
