“!Inaapi mo ako!” an hagayhay ni Ibarra kaiba an sarong mapait na panghihimasol; “nakakalingaw ka na, pahangang dumatong ako digdi, hinanap ko an saiyang karahayan...”
“Dai mo po ipagkolog sa boot, dai ko, ika-binabasol! Awot pang an gabos makapagarog saimo! Alagad dai ako minahagad saimo nin mga dai mahihimo, asin dai mo ikaraot sa boot kun magsabi ako saimo na ginagayuma ka kan saimong puso. Namomotan mo an saimong banwaan huli ta iyong tokdó saimo kan saimong ama; namomotan mo iyan huli ta diyan igwa ka nin pagkamoot, dai tibaad, pagkabagong-tawo, huli ta an gabos naghohoyomhoyom saimo, an saimong banwaan dai saimong ginibong salá sa katanosan; namotan mo sya siring sa pagkamoot nyató kaito gabós na minagibo satong mga mamongaya. Alagad sa aldaw na ika maging dukha, punaw, pinagoosig, isinombong asin ipinabakal kan saimo mansanang mga kahimansa, sa aldaw na ini, mapaindahan mo an saimong sadiri, an saimong bansá asin an gabós.”
“Minatao sako nin kakologanan saimong mga tata- ramon,” an sabi ni Ibarra na naraot su boot. Idinokó ni Elias su saiyang payo, nagisipisip asin sominimbag.
“Boot ko pó na mamuklat ka sa katotoohan, asin malikayan an sarong mamondong kaagahon. Giromdoma idtong horas na pinagtaraman ko ika digdi mansana sa barótong iniho asin sa liwanag kan tala-init mansanang ini, igwa nang mga sambulan, kulang nin nagkapirang aldaw, mamongaya ka kan panahon na ito. Dai nakadatong saimo su pakimahérak kan mga napaha- mak, pinagbasangbasang mo su saindang mga hinanakit huli ta mga hinanakit nin mga criminal ; iyo mong lalong dinangog su saindang mga kaiwal asin sa tahaw kan sakong mga pangatanosan asin mga pakimahérak, ominapil ka sa mga nagpapasakit sainda, asin kaito nasa saimo na ako maging criminal okun magpabaya akong gadanón tanganing maotob an sarong sinanglitan na kataga. Dai ito itinógot nin Dios ta nagadan su gurang na pamayo kan mga manglolobo... Nakalihis nin sambulan asin ngunyan iba na an saimong pagisip!”
“Tama ka, Elias, alagad an tawo sarong hayop sunod sa mga pangyayari; kan panahón na ito garo akong nabubuta, may kabaldian, anong maisihan ko? Ngunyan hinalé kan kapahamakan su takop kan sakong mata, su
