makakatios, kun sa pagkasayod, kun iyong muya kan
mga nagkakapot kan Pamahalaan, bagay na harayo pa
man, Ako mansana dai maiba saimo, sagkod pa man dai
ako magamit kan mga mapanganib na iyan na mga
palakaw sagkod na nakakakita pa ako sa mga tawo nin
pagsarig.”
“!Kun siring malakaw akong dai ka!” an simbag ni Crisostomo na natatalaga.
“Sa saimong danay na hinolawan?”
“Danay asin iyoiyo, saksi an giromdom kan sakong ama! Dai ako nakakapagpasibaya na agawan ako nin katiwasayan asin kamongayahan na daing padusa, ako na daing horot kundi an karahayan, ako na sakong igi- nalang asin tinios an gabos huli sa pagkamoot sa sarong masinaginsagin na katinubdan, huli sa pagmahal sa sarong bansa. Ano an saindang ibinalos sakuya? Pina- irarom ako sa sarong dustang bilanggoan asin hinimuta su sakong pigaagom! Dai, sarong crimen kun dai ako manghimalos, pagsadol sainda sa mga bagong gibo na sala sa katanosan! Dai, maluwas na sarong katalawan, kaluyahan nin boot na magsiloksigok asin magtangis kun igwa nin dugo asin kabuhayan, kun sa paglanghad asin sa pagagyat minasaro an pagologolog! Aapodon ko na sarong daing pakasabot an banwaan na ini, ipapahi- ling ko saiya an makauugay nyang kamugtakan, na dai sya magromdom sa mga katugangan, daing iba kundi mga lobo na nagpapasiniriba-sibaan, asin sasabihan ko sinda na laban sa siring na pagapiapi minatindog asin minasuwal (144-a), an magkagurang man na katano- san nin tawo sa pagkamit nin pakahiwas!”
“!Magtitios an banwaan na daing pagalamaam!” ane marahay! Ikahatod mo ako sagkod sa bo-
“Sagkod na makaharayo ka sa panganib!” an simbag ni Elias.
Nagpasiring uli sinda sa Pasig. Pinagtataga olay- olayan ninda an mga bagay na dai man nin pakalabot sa sainda.
“!Santa Ana!” an hinghing na tataramon ni Ibarra, “midbid mo an harong na ini?” -
Nagaagi sinda sa atubang kan harong. na paalingan kan mga jesuita.
“Diyan inagihan ko an dakol na mga mamongaya asin mga magayagayang aldaw!” an hagayhay ni
