bitis su sadit na sakayan.
Nadangog an nagkakapirang kurahaw, asin sa ma- dalé sa horoharayo bominutwa su payo kan hagbayon na garo baga mahangos, na ominirarom tolos mansana.
“Hoto, hoto!” kurahaw nin nagkapirang tingog asin nangagsagiwisiw naman su mga bala.
Linamag ito kan falua asin kan sakayan; sarong ma- dalé sanang garagara minapamidbid kan saiyang piga- gihan, naghaharayong magharayo sa baroto ni Ibarra, na baga ipinaatong lamang. Sa lambang paguutwalan kan naglalangoy kan saiyang payo sa paghangos, bina- badil sya kan mga Guardia Civil asin kan mga faluero.
Padagos su paglamag; harayo na su baroto ni Ibar- ra, su naglalangoy nagdadangadang na sa pangpang, sa rayong may mga limang polong kadpa. Paragal na su mga parasagwan, alagad iyo man si Elias, tara mandiit-mandiit inootwal su saiyang payo asin sa lam- bang pagutwal iba an inootwalan, sa paglagdlag baga bilang sa mga naglalamag saiya. Dai na ibinobuyagyag kan mapasaluib na garagara su pinagagihan kan buzo. Kahurihurihi nakita sya sa harani kan pangpang, nag- paporotok... dangan ominagi an mga minuto asin mga minuto, dai na nin bominotwa sa moninong asin mali- pungaw na ibabaw kan danaw.
Pagkaayaw nin kabangang horas, sarong parasag- wan nagpasagin nakatuklas sa tibig sa harani kan pangpang nin mga tanda nin dugo, alagad pinagpiring- pitang kan saiyang mga pagiriba su saindang payo na mangyaring mangahologan nin iyo siring man ngani na maging bako an boot sabihon.
Sayang lamang na magkatarambang sa sarong latok an mga mahalagang mga pasib sa pagkasal; maging su mega brillante sa mga bugtakan na mga bughaw na terciopelo, maging su mga binordahan na piňa, maging su piezang sukla dai nagpakabihag kan paghiling ni Maria Clara. Pinagmamansayan kan daraga, dai man naghihiling, dai man nagbabasa, su pahayagan na nag- babareta kan pagkagadan ni Ibarra, na nalamos sa da- naw.
