84
XIV AN RONGAW OKUN AN PANTAS NA SI TASIO
Itong dai midbid na gurang ribaraw na naglalakaw sa mga lansangan.
Saró syang nagádal kaito sa Filosofía na tominalikod sa pagádal sa pagkúyog sa saíyang gurang na iná, asin bakong sa kakulangan nin magagasto, bakó man sa kakulapusan nin kakayahan: iyo, iyong gayo an da- helán ta su saíyang iná mayaman asin sinasabi na sya matalé. Su marahayon na babaye natatákot na su sa- íyang akí lumuwas na sarong madúnong asin maka- lingaw sa Dios, kun kayá pinapagpilí sya kun baga magpadí okun humalé sa colegio ni San José. Ining huri an pinilí kan namomoot asin napakasal. Balo asin ilo sa laog nin kúlang na sangtaón, hominánap nin karangahan sa mga libro tangáning makalikay sa sa- íyang mga kadalitaan, sa bulangan asin sa kahogakan. Alágad ominapling na marhay sa pagaádal asin sa pagbakal nin mga libro, na napabayaan na gayo su saíyang mga sadiri asin sa diitdíit nagkawarará saiya ito gabós.
Don Anastacio okun Filosofong si Tasio an pagapod saiya kan mga táwong halangkaw an inadalan, alágad itong mga hababá an pakanood, na iyo an kadaklán, nangagsasabi na sya si Tasiong rongaw, huli kan sa- iyang mga laen na kaisipan asin napapalaén na paki- pagkasi-tawo.
Siring sa sinabi na nyamó, kan hapon na ito may nagdadangádang na barongbarong; su madampog na langit binabanggrawán nin nagkakapirang kikílat nin maromarom na liwánag; su akas (163) madal-om na marhay asin makahahandal su angkas.
Garong nalingawan na kan pantás na si Tasio su minamahal nyang bongó; ngunyan naghohoyomhoyom sya na nagtatanaw kan maiitom na mga dampog.
Nasompongan nya sa may simbahan an saró katawo na nagugubingan nin chaquetang alpaca, na may da- rang labing sarong (1) arroba (164) na kandilá, asin sarong bastón na may borlas, tandá nin kapangyarihan.
“Garo bagang maogma ka?” hinapot sya kaini sa tagálog.
“Talaga man nanggad, Gg. Capitán; maogma ako ta
