86
nin mga darakúlang kandilá sa mga candelabro (170) na káhoy. Duwang darakúlang lamesa, na pinagsoón, na natatahuban nin yamit na itom na may bilit na putí; digdi asin dumán may mga nakikítang mga nag- kakapirintang mga bongó.
“Mánongod sa mga kalag o huli sa mga kandíla?” an saiyang hapot.
‘Asin kan makita an duwang áking lalaki na su saró may sampoló (10) nang taón asin su saró igwa na man nin walong (8) taón, lumabi, o kumúlang, dinólok nya an mga ito na dai naghalat kan mga sacristán.
“Muya kamong omiba sakuyá, mga akí?” an hapot sainda; “pighandaán kamo kan saindong iná nin pa- manggi nin mga cura.”
“Dai pó kamí tinotogotan kan sacristán mayor na makahalé sagkod sa ikawalong (8) horas!” an simbag kan matúa. Naghahalat akong makakoa kan sakong sahod (171) ta itatao ko sa samong iní.”
“!Ah! asin masaen kamo?”
“Sa campanario pó: dodoblasán mi an mga kalag.”
“Masa-campanario kamo? kun síring, magíngat ka- mo! hare kamo pagrani sa mga batingaw kun nagk- kílat okun naglilintí.”
Dangan luminuwas sa simbahan, pakasunoda nin maugayon na paghiling su mga akí na nagsasakat sa hagyanan pasíring sa coro kan simbahan.
Hinaprós ni Tasio su saíyang mga mata, asin tomi- ningkálag uli sa langit asin suminabi sa malúhay na tingog: '
“Ngunyan ipagmomondó ko kun may homólog na lin- tí okun kikilat.”
Asin dokó su payo napasíring sa luwas kan banwaan na baga may iniísip.
“!Hápit ngóna!” an sabi saiya sa kastilá nin sarong tingog na halé sa sarong dungawan.
Itinongkáhal kan filósofo su saíyang payo asin nakita an sarong lalaki na dai kumúlang sa tolong poló (30) asin dai man lumabi sa tolong poló may limang (35) taon an kagurangan na naghohoyomhoyom saiya.
“Anong binabasa mo diyan?” an hapot ni Tasio na itinokdó su libro sa kamot kaitong tawo.
“Sarong libro sa panahón na ini: an mga sákit na tinitíos kan mga bendítong kalag sa Purgatorio!" an simbag kan saró na may kasabay na hoyom..
