Sa mga kalangtadan, sa pangomahon malantop,
Asin an dagá kan Iberia147 na sarampungayan148
Kan árabe iyo ngápit an malipot na linobngan;
Asin sa mga batalla na máyong katapusan;
Sa digmá na sagkod lámang na saiya na baladaw
Ilolobong na gayo sa saindong mga daghan
Kan kastilá na maabhaw, asin ta an dagá
Saimo na kakagatón, baga halas na sinumpá;
Asin simong isosokó kan dagá lambang sandángaw,
Na pinatúbang na gayo kan dugó mong mahal;
An mga maluya na kababayehan,
Asin an mga kaakían magiging oripon ngápit
Sa mamondó nindang mga hinanakit
Tinarapok ulí sa mabangis na olang,
Mapait na luhá, dahel sa nawará na katiwasayan
Kamo magpapadaláhay, asin sa pasákit
Na makasópog na túnay, kan saindong pagbalik
Bibilangon nindo iyán mga aldaw
Asin mga mapaabhaw nangagkikinabang
Kamo sa saindo na karat-an,
Ihahandá ninda sangríbong sakayan
Sa saindang mga kapasaluíban.
Asin an dagang mabansay na sa katiwasayan
Sakong pigpahingaloan papaiton na túnay
Na di pa sagkod nakita sarong kaangotan,
!Pagsangkap nin hamo! !ika dumalagan!
!Lumáyog ka nganí sa kahidalean
An mga tawo mong mga barongitan
Italad mo sa labanan,
Asin an madaging na hamodyong
Magpaluwas sa doros mapangdigmang tíngog,
Na sa muráway sadyang nagdodólot
An dagá mangibigkibig kan kutamáyang magían
Kan maisog na kabayo na kan Arabia pinangabubuhay,
Asin sa mapula na naglaláad
Múrice baga na na namamantáag,
An dugó nin bakong bunyag
Tinaon nganing banáyad an saímo na minasbad.
Sa atúbang kaiyán Talá--Sinag149</sup
147 Dagá nin España.
148 Fireciente, mauswag.
149 Bulan.
