Maríang orog kamahal,
Mahamis na gayo na katiwasayan,
Karangahan ikang mahal
Nin táwong may kagadanan,
Ika an burabod na pighahalean
Kan túbig na dalísay,
Na kan samong dagá, ay, nagpapatúbang.
Poón sa trono mong mahal,
Lángit nganí na halangkaw,
Dangoga nin pagkaúgay,
An igwa nin sakit, sakong inagrángay!
Saímong sangkobi makintab mong soklob,
An nagiitáas na sakúyang tíngog,
Matulin nanggayod
Kainiho an pagláyog.
Ika sakong Iná, Maríang maúgay,
Ika iyo ngápit an sakúyang buhay;
Asin ta ika man sakong karígonan;
Ika sakong pagsusundan,
Digdi sa maísog ngáning kadagatan.
Kun an ugáleng maráot,
Ako inoósig, sadyang nangingísog!
Kun kan kagadanan ako binobókod,
Sa paghingagdan nanggayod,
Ako saímong tabangan,
Asin purawasa sakong kamondoan!
