An pahina na ini pigbalido
Hinágad sakong magtogtog
Kan lírang dai nang tíngog,
Haloyon nang ominontok,
Asin totoo nang raot;
Di na ako makahamán,
Minsán sarong nota lámang,
Ako di na pipasabngan
Kan Musa kong minamahal!
Naghiraw-od, masákit,
Pinagrarami, maínit,
Kun sya man pinagsasakit
Kan sakuyá na pagísip;
Kun magngisi man sya pútik,
Pútik man an hinanakit;
Sa sakong mamondó
Na pagsaró-saró,
Daing pakamaté ining kalag nyakó.
Igwa nin panahón... !totoo na túnay!
Panahon na ito, ay, dai na ngunyan!
Kan pagkakatóod o kan pagkaúgay,
Sarong mangaáwit ako nginaranan,
Pahangá nang maromdoman
Itong sinabi nang aldaw,
Togtog baga an kabagay.
Sa saró na kaogmahan,
May walat na aniningal
Sa mga katalingahan.
