An pahina na ini pigbalido
Kan karahayan kong hánap,
Sa sakúyang kaibahan
Sa dágat man nagsasakay
Anino nin kagadanan.
Gabós kong pangatorogan,
Horot, gambira, pagmahal,
Itoon náwalat dumán
Sa tangod nin kalangitan
Kan ronang orog katúbang;
Pusó dai paghagadan
Sarong áwit nin pagmahal,
Ta nanglolontayong tunay,
Tara sa táhaw kan olang,
Sakong piglakawlakawan,
Dai nin katiwasayan,
Sakúya na namatean
Na su kalag naghingagdan,
Asin su musa ko gadán.
